Pa diadomingo 13 di augustus 2023 ta invita tur hende specialmente tur FIELNAN cu a Consagra 5 di augustus 2023 den misa di Inmaculada Curason di Maria Santa Cruz. For di Diadomingo ta resa tur dia pa 5:30 di atardi Santa Rosario y oracionnan for di buki di I.C.M. cu ta resa tur luna na e monumento.
Comision Inmaculada Curason di Maria ta yama tur devotonan di nos dushi Mama Maria y tur fielnan pa bin hunto y resa. Tur luna riba dia 13 ta bin riba Plaza di I.C.M. na Santa Cruz pa contempla nos Mama Celestial.
Resa pa famianan y e pashent cu ta sufri di cancer, y tambe pa tur enfermo di Aruba. Pa adulto of un keri, un ruman cu tin un enfermedad incurabel. Corda cu aki 1 siman tur school ta habri porta pa duna Bon Bini na tur alumno. Resa ferforosamente pa juffrouw y docentenan. Pa tur mucha haci nan best pa logra un bon resultado. Cu oracion continuo, cu speransa firme nos por logra algo grandi. Hunto nos ta resa e Santo Rosario pa pas.
Pa no tin sufrimento di tanto mucha. Pa emigrantenan cu ta cana lunanan cu speransa pa logra un bida miho. Mescos nos ta resa pa nos Obispo Luis Secco, nos pastornan y diacononan y tur cu ta sirbi den nos iglesianan. Riba tur diadomingo ta resa Misterio Glorioso. Tur dia den luna di augustus ta resa Santo Rosario y oracion prome cu misa. Ta cuminsa 6or di atardi.
Un dia manera 19 di augustus Juli 1917 Mama Maria a bisa e tres muchanan di Fatima: “Resa, Resa hopi pa pecadornan y haci sacrificio pa nan: hopi alma ta bay fierno pasobra no tin hende cu ta resa pa nan y cu ta haci sacrificio pa nan alma”. E mensahe di Fatima ta hopi cla: Para firme, hendenan mester drecha nan bida y pidi pordon pa picanan y biba honesto y cu amor cu bo rumannan.
