(AFP) – Iran a keda desafiante mientras explosionnan fresco tabata golpia Teheran diamars, insistiendo cu e no ta buscando un alto al fuego hasta mientras Preisdente di Merca Donald Trump a aumenta su menasanan tocante Strait of Hormuz.
E conflicto a guli Medio Oriente y a sacudi mercadonan di energia desde e atakenan Israeli di dia 28 di februari cu a laga e lider supremo, Ayatollah Ali Khamenei, morto y a causa e guera, cu Teheran diamars primintiendo cu ningun exportaicon di crudo lo sali for di e golfo si e bombardeo sigui.
Pentagono anteriormente a anuncia su atakenan mas intenso, sinembargo Iran te awo a rechasa baha cabes dilanti e presion.
Parlamento di Iran su vocero Mohammad Bagher Ghalibaf, un ex comandante di Revolutionary Guards y figura clave den Khamenei su asesinato, a bisa den un publicacion na Ingles riba X: “Ciertamente nos no ta buscando un alto al fuego.”
“Nos ta kere cu mester castiga e agresor y e mester siña un les cu lo desmotiva nan di bolbe ataka Iran,” el a agrega.
Secretario di Defensa Mericano Pete Hegseth anteriormente a bisa cu conferencia di prensa cu diamars lo “ta un biaha mas nos dia mas intenso di atake na Iran – e cantidad mas grandi di luchador y mas grandi di bom.”
Atakenan di Iran riba barconan di carga a cera Strait of Hormuz, unda un kwart di e petroleo transporta via lama na mundo y un di 5 parti di tur LNG normalmente ta pasa y Trump a adverti Iran contra pone mina na e ruta aki den un publicacion riba su plataforma Truth Social.
“Si pa cualkier motibo pone mina, y nan no ser kita na tempo, e consecuencianan militar pa Iran lo ta na un nivel cu nunca antes a mira,” el a publica.
Su publicacion a bin despues cu CNN – citando fuentenan anonimo familiar cu Merca su reportahenan di inteligencia – a reporta cu Iran a cuminsa pone explosivo riba e ruta a cuminsa.
Dos ronda di explosion a sacudi Teheran diamars anochi, AFP su reporteronan a informa, sin informacion inmediato disponible tocante e blanconan.
Den e capital, un hende muhe den su 40 aña a bisa cu el a haya alivio den su impresion cu e bombardeo “no ta contra edificionan ordinario.”
Pero el a nota cu e tabata “e zonido di e bomnan cu ta extremadamente incomfortable.”
Iran su Revolutionary Guards a contesta pa medio di anuncia un ronda fresco di misil contra ciudadnan Israeli y blanconan Mericano den e region, cu reportero di AFP despues tendiendo explosion na e capital di Bahrain.
Alrededor di 140 personal militar di Merca a keda herida desde e comienso di e guera, e mayoria cu heridanan menor, Pentagono a bisa diamars. 7 morto a keda anuncia caba.
Agencia di desaroyo y comercio di Nacionnan Uni a adverti cu cera Hormuz por aumenta e costo di productonan esencial manera gasolin y cuminda pa e personanan mas vulnerable na mundo.
Na Egipto, cual a aumenta e costo di gasolin cu te hasta 30%, mama di 6, Om Mohamed, tabata preocupa cu futuro.
Expertonan ta adverti cu e bista economico ta keda extremadamente volatil.
“E dianan den mercado unda bo ta haya asina hopi volatilidad ta poco comun,” Ipek Ozkardeskaya, un analista pa Swissquote Bank a comenta, advirtiendo cu e inversionistanan tabata reaccionando di manera excesivo na cada noticia, hasta ora cu e declaracionnan oficial ta contradeci otro.
“E conflicto den Medio Oriente ta sigui cu tur velocidad, desaroyonan politico no ta señalando na un resolucion pronto, y tin tiki claridad tocante e plannan di Merca.”
