Iran ta menasa cu mas actividad nuclear

Iran a menasa ayera cu lo enrikece su stock di Uranio mas cerca di e grado di arma den 60 dia, si podernan mundial faya di negocia terminonan nobo pa su acuerdo nuclear di 2015, lantando tension regional mientras un portaavion Mericano y bombernan a bay e area pa confronta Tehran.

Den un discurso televisa di presidente Hassan Rouhani, kende a priminti cu e acuerdo lo acerca Iran na e West, a mira e clergo presionando Europa pa proteha Tehran for di sancionnan imponi pa presidente Donald Trump sacando Merca for di e acuerdo exactamente un aña atras.

E menasa di Rouhani ta pone mundo na haltura cu no por sigui depende riba Iran pa cumpli cu terminonan di e acuerdo faya den e proximo simannan. Mientras tanto, un campaña Mericano di sancion atacando e economia anemico di Iran y blokiando su benta di azeta riba mercado global ta unicamente haciendo bida pio, poniendo ainda mas presion riba su teocracia Shiita y su 80 miyon di habitante.

Iran ayera a stop su benta di uranio y awa pisa como prome paso, Rouhani a bisa, algo rekeri bou e acuerdo. Merca siman pasa a caba cu acuerdonan permitiendo Iran intercambia su uranio enrikesi pa uranio no refina cu Rusia, y pa bende su awa pisa na Oman. Den 60 dia, si no logra un acuerdo nobo, Iran lo crece su enrikesimento di uranio mas cu e 3.67% permiti den e acuerdo, cual por fuel un planta nuclear comercial. Rouhani no a bisa con leu Iran ta dispuesto pa enrikese, maske e presidente di su programa nuclear un biaha mas a reitera cu Iran lo por alcansa enrikesimento di 20% den cuatro dia.

Iran a notifica Reino Uni, Rusia, China, Union Europeo, Francia y Alemania di su decision. Tur ta firmante di e acuerdo nuclear y ta sigui sostene. Minister di relacion exterior Irani, Mohammad Javad Zarif, a reuni ayera na Moscu cu su contraparte Ruso, Sergey Lavrov.

E movida di Iran ta yega na un momento sensitivo den Medio Este. Cas Blanco a bisa cu a manda portaavion USS Abraham Lincoln y bomber B-52 na e Golfo Persa tocante locual a describi como un menasa nobo di Iran. Israel, cu a haci bombardeo preventivo di facilidadnan nuclear na Irak y Siria, a priminti di no laga Iran obtene un arma nuclear nunca.

 

You May Also Like

Farc a inicia marcha pa diferente zona di concentracion

Miembro di bloki sur di Forsa Armada Revolucionario di Colombia (FARC) a inicia nan ...

download (5).jpg

Oposicion Venezolano ta domina ciudad di Caracas cu marcha

Cantando ” e gobierno aki ta bay cay!” , oposicion Venezolano hunto cu miles ...

John Earnest sospechoso principal di tiramento na sinagoga na Merca

E homber John Earnest di 19 aña di edad cu ta e sospechoso principal, ...

prijs azeta

Prijs mundial azeta a baha atrobe

E prijs di azeta a baha atrobe riba mercado internacional. Motibo ta cu Iran ...

Un pinguin albino a debuta na zoologico na Polonia

WARSAW, Polonia — Un pinguin albino, extremadamente inusual, a haci su debut na e ...

Efecto clima

Efecto di clima lo pusha mas cu 100 miyon hende den probresa

World Bank su rapport nobo riba efecto di clima ta indica cu mester inverti ...