Italian players celebrate with the trophy after the Euro 2020 soccer final match between England and Italy at Wembley stadium in London, Sunday, July 11, 2021. (Laurence Griffiths/Pool via AP)

(AP) — Storia di redencion di futbol Italiano ta completo. E espera doloroso di mey siglo pa Inglatera gana un titulo mayor ta continua. Asina a resulta den penalty.

Italia a gana e Campeonato Europeo pa segundo biaha derotando Inglatera 3-2 den penalty awe. E partido a termina 1-1 despues di extra tempo.

Gianluigi Donnarumma a bula abao banda robes y a scapa e tiro decisivo di Bukayo Saka, e tercer fayo consecutivo di Inglatera for di tiro di penalty den e evento dilanti di su propio fanaticonan na stadion Wembley.

Tabata menos cu cuatro aña pasa cu e Italianonan a cay na e momento mas baho di su historia futbolistico na momento cu no a logra clasifica pa Mundial pa prome biaha den seis decada. Awo nan ta e miho team den Europa y riba un record nacional di 34 partido invicto bao Roberto Mancini, nan coach suave.

Inglatera tabata hunga den su prome final mayor den 55 aña. Esaki a bira e dolor mas recien den un etapa di penalty na torneonan mayor, despues di derota na 1990, 1996, 1998, 2004, 2006 y 2012.

Donnarumma tabata na yoramento mientras el a ricibi brasa di su compañeronan di team cu a core bay cerca dje for di e linea memey di e cancha, unda nan a mira e segundo tiro di penalty den un final di Campeonato Europeo. Nan a bay e otro banda di e cancha y a core como uno, cayendo abao dilanti nan propio fanaticonan.

Esaki tabata e segundo titulo continental di Italia despues di 1968, añadiendo na e cuatro Cup Mundial di e pais.

LEAVE A REPLY

Please enter your comment!
Please enter your name here