Jamaica: Prome exportacion grandi di cannabis

Jacana, un lider den cultivo den aire liber di cannabis medicinal, y su distribucion, a completa e prome exportacion internacional di cannabis medicinal di Jamaica, sigurando asina varios licencia y permiso internacional. E deal a mira Jacana hunga un papel central den crea e proceso internacional di regulacion.

E exportacion historico ta relaciona cu e US$ 20 miyon cu e compania a logra haya pa cultiva, desaroya y distribui solucion certifica di cannabis medicinal cu ta provee alternativa natural pa e productonan fabrica di manera artificial.

Jacana tambe a anuncia e lansamento di un tipo nobo di compania medicinal cu ta proteha e poder di naturalesa pa produci cannabis medicinal certifica, dunando alivio natural pa dolor y sufrimento cronico. Dolor cronico ta afecta 1,5 biyon hende na mundo, cu mas di 100 miyon hende sufriendo na Merca so. E inversion lo stimula expansion internacional y lo crece a base di e presencia di Jacana na Europa, Norteamerica y Caribe.

E inicio di Jacana riba mercado internacional ta coincidi cu un mercado legal di cannabis cu ta expandiendo rapidamente, cu Reino Uni, Alamania, Thailand y Mexico entre e 25 paisnan cu a legalisa cannabis medicinal den ultimo 12 luna, poniendo e total mundial na 48 pais. Tambe ta nota un creciente disgusto pa producto farmaceutico artificial y un preferncia pa producto natural. Ta anticipa cu e industria mundial di cannabis por bira un negoshi di US$ 100 biyon pa 2025 y cu lo tin un escasez grandi di cannabis certifica.

Cu un team internacional na Jamaica, Canada y Reino Uni, Jacana ta e lider mundial den cultivo den aire liber y den distribucion di cannabis medicinal. Esaki ta tuma lugar actualmente na e plantacion di 100 acre na St Ann, Jamaica, unda un microclima unico ta crea e condicionnan perfecto pa e cultivo.

 

You May Also Like

Den ultimo aña inflacion na Venezuela a yega na 24.571%

Asina Asamblea Nacional a informa dialuna pasa, hunto cu Rafael Guzman, presidente di e ...

Muhe a sobrevivi un avalancha na Peru

Un muhe di 32 aña a sobrevivi un avalancha di lodo cu a lastr’e hunto ...

Colombia: Tillerson ta gradici e pais pa su papel den crisis Venezolano

Secretario di Estado di Merca, Rex Tillerson, a sigura cu Colombia lo ta e ...

Venezuela: Orario di 12 ora introduci na Pdvsa

Ivan Freites, secretario general di e sindicato di trahado petrolero di estado Falcon, a ...

Inflacion na Venezuela a acumula mas di 2300% na 2017

E inflacion pa luna di december na Venezuela a alcansa 81%, loke a hiba ...

Odebrecht ta nenga di a paga FARC

E gigante di construccion Brasileño Odebrecht a nenga ayera cu nan lo a entrega ...