Jamaica: Turismo den bon direccion e aña aki

Ministro encarga cu turismo, Edmund Bartlett, ta bisa cu e crecemento dinamico di turismo ta stimulando inversion na henter Jamaica, creando empleo y oportuidad den e comunidadnan local.

Papiando cu JIS News despues di un evento na Falmouth, Trelawny, diabierna pasa, Bartlett a bisa cu Jamaica ta tambe riba caminda pa otro aña tremendo, despues di e exito di 2018, unda a mira e pais duna bonbini na 4,32 miyon bishitante y ganando US$3,3 biyon na entrada.

“Mi ta contento di por comparti cu di januari te cu maart di e aña aki, bishitante‘stopover’ a yega na 671.803, aumento di 12,9% compara cu mesun periodo aña pasa, cu maart registrando record di bishitante di 258.165, aumento di 14,7% compara cu maart 2018,” e ministro a indica.

“Cu e crecemento record di bishitante aki, tin un necesidad urgente pa keda aumenta nos cantidad di camber. Mi ta contento cu e fluho constante di inversion den hotel cu nos ta mirando na Jamaica, fomenta pa esfuerso di gobierno pa crea un ambiente cu ta atrae y stimula inversion di calidad den sector turistico,” el a bisa.

E mandatario a bisa cu den ultimo tres aña e pais a añadi un impresionante 4.383 cama nobo na su total di camber, y tambe cu proyectonan nobo lo significa un 1.005 camber adicional na 2019.

El a conta tambe cu desde 2020 Jamaica lo experimenta e crecemento mas grandi den camber di hotel di historia, cu expansion di propiedadnan existente y e construccion di hotel nobo cu ta añadi otro 18.157 camber mas.

 

You May Also Like

Horcan Maria a bandona Puerto Rico lagando destruccion atras

Horcan Maria a sali di Puerto Rico banda di merdia ayera, a laga bastante ...

Trinidad & Tobago: Ta pidi Caricom apoyo pa regimen Venezolano

Representante di Joint Trade Union Movement (JTUM) y Movement for Social Justice (MSJ) na ...

Rosneft ta considera participa den modernisacion di refineria Cubano

(ElNuevoHeraldo) – E empresa petrolero Ruso Rosneft ta studiando  su  participacion den modernisacion di ...

Odebrecht a duna placa ilegal pa campaña di Capriles na Venezuela

E grupo empresarial Brasilero Odebrecht cu ta den scandal di corupcion di  Petrobras, a ...

Un famia henter a ser asesina na un playa yen di turista

Tres persona a muri diadomingo atardi, den un tiroteo cu a tuma lugar na ...

Venezuela: Escasez di gasolin pa via di exportacion

E escasez di gasolin di siman pasa na Venezuela tabatin parcialmente como causa e ...