Campeonato Heineken fast pitch di Aruba Softball Bond a continua riba veldnan na Pos Chiquito, den categoria AA Jay’s Tire a enfrenta Spuiters MIPA. Den bom di prome inning Jay’s Tire a anota 4 careda.
Spuiters ta purba bin bek den wega anotando 1 careda den cabes di 2 mas 1 careda den cabes di 3 pero no tabata suficiente. Jay’s ta rally pa algun careda mas den bom di 5 y bom di 6 pa seya e victoria. Boxscore final Jay’s Tire 8 careda, 13 hit, 2 eror y ta laga 8 coredo na base. Spuiters MIPA 2 careda, 8 hit, 2 eror y ta laga 8 coredo den circulacion. Miho batiadonan pa Jay’s Tire ta Jason Orman, Artoir Herrera. Josmar Thiel tur di 4-2, Filbert Thiel 4-3 incluyendo un cuadrangular, Gianmar Alders 3-2. Miho batiadonan pa Spuiters MIPA ta Eldin Donata y Gerald Werleman di 4-2, Christopher Rasmijn 3-2, Gilward Wester di 2-1. Jorge Santana Cortina ta bay 7 inning enfrentando 31 batiado tirando 48 bola, 64 strike pa un total di 112 lansamento permitiendo 2 careda tras di 8 hit ponchando 5 batiado y ta regala 3 base por bola seyando asina e victoria riba su nomber. Johannes Poy Flanegin ta bay cas cu e derota. Weganan ta continua diaranson, diahuebs y diabierna riba veldnan na Pos Chiquito. Softball fast pitch a la carga!
