(AP) – Ningun hende por reemplasa e talento cu no por imita di Whitney Houston. Sinembargo ora cu bo mester di un persona pa canta su canticanan eterno, e gran gañado di EGOT (Emmy, Grammy, Oscar y Tony) Jennifer Hudson a comproba biaha tras biaha atrobe cu e por haci e trabao.
Hudson lo encabesa e di 4 gala di Whitney Houston yama Legacy of Love dia 9 di augustus, presenta pa Whitney E. Houston Legacy Foundation y Primary Wave Music. E evento organisa riba e dia lo a celebra e di 62 cumpleaños di Houston, ta un celebracion doble di e 40 aña desde e lansamento di su carera. Houston su album titula Whitney Houston a lansa den 1985.
E gala Legacy of Love lo beneficia e difunto cantante su fundacion cu meta di yuda personanan hoben. Un subsidio lo keda otorga na Kids in the Spotlight, un organisacion cu ta busca sana y empodera muchanan via conta nan storia y crea peliculanan.
Houston a funda Whitney Houston Foundation for Children den 1989 cu e meta di empodera hubentud, provee recursonan na muchanan sin cas, duna beca pa scol y recauda fondo pa organisacionnan benefico manera Children’s Defense Fund y St. Jude Children’s Research.
Un recaudacion di fondo benefico lo recauda placa pa e fundacion, cual awo ta yama Whitney E. Houston Legacy Foundation.
Otro actonan ta inclui e cantante di R&B Meli’sa Morgan y Jimmy Avance. E gala tameb lo tin presentacion di e tour di orkesta binidero “The Voice of Whitney: A Symphonic Celebration,” conduci pa William R. Langley.
“E aña aki ta marca Whtieny su di 40 aniversario y nos di 4 gala anual di Legacy of Love y nos ta contento cu e manera cu e fundacion a desaroya y expande durante e ultimo 4 aña,” co anfitrion Pat Houston a bisa den un declaracion. E ta Houston su cuña y e administrador di su patrimonio.
Houston a fayece den februari di 2012cu 48 aña di edad. “Aunke Whitney ta conoci mundialmente pa su talento ehemplar den musica y entretenimento, un di e cosnan cu e tabata stima mas cu cualkier otro cos ta sostene muchanan y nos hubentud. E semper tabata duna back na varios comunidad na nivel global.”
Ademas di Pat Houston, e gala lo keda anfitriona pa Entertainment Tonight su Kevin Frazier.
