(BBC)–Jennifer Lopez ta ser demanda pa post potretnan di su mes na un fiesta di Hollywood, cu e fotografo y un agencia di paparazzi bisando cu e no a logra haya permiso pa usa nan.
E cantante y actriz a comparti potret riba red social di su mes yegando na Amazon MGM Studios y Vanity Fair Party na Los Angeles e anochi prome cu e ceremonia di Golden Globes di e aña aki na januari.
Fotografo Edwin Blanco y Backgrid, e instancia cu e tabata traha p’e, a presenta un demanda bisando cu nan ta doño di e derecho di autor di dos potret.
E potretnan a ser usa “pa promove e aparicionnan publico di Sra. Lopez, impulsando e compromiso di usuario, aumentando compartibilidad, y dunando credibilidad na su contenido di marca”, nan ta argumenta.
Backgrid y Sr. Blanco ta buscando te cu $150.000 di daño cada un pa cada potret.
E potretnan a mustra e strea den un shimis blanco y un mantel di lana blanco falso pafo di e fiesta na Chateau Marmont. El a post nan riba Instagram y X cu e comentario “GG Weekend Glamour”, y nan a ser comparti despues pa varios pagina di fanatico y moda.
“E uso no autorisa di e imagennan di Sra. Lopez ta di naturalesa comercial, destina pa e proposito di promocion propio,” e demandanan a bisa.
“Por ehempel, Sra. Lopez a usa e imagennan pa ilustra e diseñador di su paña y joyas, probechando e publicidad di e evento pa promove su afiliacionnan di moda y asociacionnan di marca.”
Cualkier persona cu ta den un potret no ta doño di e derecho di autor riba e potret—cual normalmente ta pertenece na e fotografo of e compania cu nan ta traha p’e, y nan por dicidi ken por us’e y cuanto nan mester paga.
E documentonan legal ta bisa cu Backgrid y Sr. Blanco a tuma contacto cu e representantenan di Lopez despues cu el a post nan y a bay di acuerdo cu un acuerdo y pago, pero cu e no a firma e acuerdo ainda.
E strea a yega di enfrenta accion legal caba–na 2019 y atrobe na 2020–pa comparti potretnan saca di dje pa otronan.
Celebridadnan incluyendo Dua Lipa, Gigi Hadid y Khloe Kardashian, tambe a ricibi keho
legal similar.
