Joe Exotic a entrega un caso di 257 pagina na presidente Donald Trump – argumentando varios motibo pakico e lo mester ricibi un pordon pa su sentencia di 22 aña pa contrata un asesino – bisando cu el a bira victima di abuso sexual den prison.

Joe a inclui un carta cu el a manda Donald Trump Jr. den su documentonan, den cual el a bisa: “Mi a wordo abusa sexualmente pa personal di e prison, bati y mara na un stoel te cu e cuero a pela di mi brasanan.” E ta continua bisando: “Por fabor, ta mi heroe. Mi mannan ta daña pa e abuso den prison pues mi ta sorry pa e mal forma di skirbi y e ortografia”, agregando e hashtag #TrumpJr.2024.

Personal di prison federal a bisa TMZ cu ‘no tabatin ningun abuso’.

Joe ta bisa cu e tin miedo cu e lo muri den prison prome cu su liberacion programa pa 2037, pasobra su salud ta den peliger pa motibo di varios problema medico, incluyendo anemia y deficiencia immuun variabel comun.

Joe a entrega varios referencia di caracter, incluyendo un di Kerri Walker, kende su primo a traha den e zoologico. E ta haci un apelacion na Trump, bisando cu a duna Joe un mal deal, igual cu Trump a haya cu e video di ‘grab’em-by-the-p*ssy’.

Joe ta continua bisando cu e nunca a purba di mata Carole Baskin, y cu e asina-yama menasanan cu el a haci contra dje tabata ‘hyperbole’. Su abogadonan ta bisa den e documentonan, obteni pa TMZ, cu e ‘menasanan’ tabata djis otro aspecto di su ‘showmanship’, chansa di Joe, a lo mas, den mal gusto, tabata djis chansa.

Joe tambe ta insisti cu el a wordo traiciona varios biaha, culpando Jeff Lowe, e hues y otronan. El a bisa cu e $3mil cu el a duna na e supuesto asesino no tabata pa paga pa un asesinato, sino pa e homber lag’e na paz.

Joe tambe ta kere un di e motibonan cu el a keda condena tabata sentimentonan anti-homosexual.

E ta admiti di a tira algun tiger cu tabata enfermo, bisando cu tabata e forma humano di practica eutanasia riba nan.

Y esposo di Joe, Dillon Passage a skirbi un carta bisando cu Joe a salb’e di adiccion. Passage a skirbi: “Mi ta mira un homber amabel, cu curason grandi y bon intencion, cu a dal algun stap den direccion di un caminda scur, y e ta djis wardando pa sali di eynan.”

Joe ta haci su suplica na presidente Trump, bisando: “Permiti mi haci bo orguyoso, haci Merca orguyoso, haci mundo orguyoso. Ta mi heroe, por fabor.”

Manera TMZ a revela, team di Joe ta biahando pa D.C. awe, unda Eric Love, kende ta liderando e accion pa Joe, lo presenta e aplicacion pa pordon na un persona cu e conoce den Cas Blanco.

LEAVE A REPLY

Please enter your comment!
Please enter your name here