Durante fin di siman a tuma luga e Trupiaal Classics Invitational na Corsou.
E Trupiaal Classics Invitational ta un di e competencianan anual di atletismo mas grandi na nos isla ruman. Aki e atleta femenino representando Aruba Malmok Runners, Jorainne Wester-Maduro a haci un tremendo papel logrando no menos cu 6 medaya pa Aruba di cual 4 Oro y 2 Plata.
Jorainne ta logra medaya di Oro den shot put, medaya di Oro den estafette 4x 100m, medaya di Plata den Javeline, medaya di Plata den Discus, medaya di Oro den 100m sprint y medaya di Oro den 5km. Na e competencia aki a participa paisnan manera St. Maarten, St. Eustatius, St. Kitts & Nevis, Bonaire, Corsou y Aruba mes. Esaki ta segun e fuente 297 Sports.
