Joziro Boye ta kibra invicto di Carlos El Matador Matos(DOM)

Durante fin di siman a tuma luga e Peleanan di MMA aki ta unda cu e pelea grandi di e anochi tabata entre Joziro Boye y Carlos El Matador Matos(DOM). Carlos El Matador Matos(DOM) tin un record imbatibel, pero esaki a cambia ora cu Joziro Boye a KO e tan temible y invicto Carlos Matos(8 – 0).

Di e demas pelanan Evan Nedd a gana pa TKO contra di Hussein di Corso.

Paul Vasquez ta sorprende Gerrick Bontekoe cu TKO den rond 4

Cu dos warning riba dje, Paul Vasquez a sigui presiona den cada rond mientras por a mira e cansancio den ambos pugil segun e rond nan ta avansa. Mester bisa cu den rond 4 tanto Vasquez como Bontekoe a dicidi di para faha cu otro y aki Bontekoe a haya un bon left cu ta pone bay flur y aki Vasquez ta probecha y gana su pelea.

Aki Vasquez ta revancha su mes di e pelea perdi algun luna atras durante e Spartacus 2

Kokito Howell ta KO Rivas den e prome rond.

Alex Torres(COL) ta gana Hyram Rodriquez pa desicion unanime

Wally Wester ta gana den su revancha contra di Carlos Sanchez.

Un revancha pa loke ta un pelea cu Wally a perde dos aña pasa contra di Sanchez. E biaha aki Wally tabata prepara miho unda e ta manda Sanchez flur y aki ta traha riba Sanchez cu algun elleboog tira na cara. Aki Sanchez ta haya cap net riba wenkbrauw unda el a cuminsa sangra. Den e ultimo rond, Wally a sali dcidi y ta dal Sanchez duro cu algun uppercut cu a pone Sanches paralisa y dobla. Al lo largo referee ta para pelea y Wally ta gana pa TKO

Gego Kelly ta gana Melvin Trimon pa TKO den menos cu 1 minuut

Dijendrick Croes ta gana Keishmar Corner pa TKO . Jeandrick Croes no a duna Leandro Mora mucho chens den e pelea aki y ta gana pa TKO.

Victoria di Gegory Raven riba Donny Geerman

E Face-off tabata hot, pesahe mescos. Tanto Donny y Gegory a challenge otro duro cu palabra. Den e pelea bringa entre ambos tabata sigur bon aunke a wanta hopi. A lo largo Gegory Raven a sali victorioso den e AFC 10 por medio di TKO

Shady Ann Tromp victorioso den e prome combate di e Aruba Fighting Championship 10. E pugil femenino di Milliard Academy ta gana su contrincante di Venezuela, Crismar Lean pa medio di tapout.