Riba dialuna 26 di september, Jupiter a yega e punto mas cerca di nos planeta Tera locual nos ta yama: oposicion (opposition). E ultimo biaha cu esaki a sosode tawata 59 aña pasa. E hecho cu dia 26 a pasa no kiermen cu bo no por wak e mas; nos por disfruta di e planeta Jupiter te fin di aña.
Jupiter a yega na un posicion den su orbita cual yama “oposition”. Nificando cu nos planeta Tera lo ta directamente entre Jupiter y e solo haciendo e mas briyante den nos shelo. Alabes e lo yega mas cerca di nos tambe.
Normalmente Jupiter ta na “oposition” cada dia 13 di luna. Sinembargo, niun di dos planeta, esta nos planeta Tera y Jupiter, ta orbita den un circulo perfecto. Ta p’esey cada “opposition” tin diferente distancia.
E distancia entre nos planeta y Jupiter lo varia entre e distancia mas chikito, di cual a cay riba dialuna 26 di september y cual ta 600 miyon kilometer. E distancia di mas leu lo ta 965 miyon kilometer.
Ki ora pa wak e y na unda?
Tur e dianan aki por wak Jupiter despues di 7:00 pm lantando pariba den oost.
Pero e miho momento pa mira e planeta ta ora cu e ta directamente ariba nos, cual ta entre 10:00 or y 12:00 or di anochi. Segun e dianan ta bay pasando, Jupiter lo sali cada dia mas halto na shelo.
Por wak Jupiter cu un verkijker of telescop. Cu un telescop chikito por hasta mira e cuater
lunanan Galiliano.
Pa mas informacion por semper tuma contacto cu Space and Nature Aruba Foundation via nos pagina di Facebook.
