Delantero di Tottenham Hotspur y di team nacional Ingles, Harry Kane a sufri un lesion den su musculo hamstring banda links durante e perdida 1-0 contra Southampton, segun e club Londinense a bisa ayera.

Tottenham no a duna un fecha pa ausencia di Kane, bisando unicamente: “Nos personal medico lo continua evaluando e lesion cu tratamento andando.”

Kane a resulta lesiona den segundo mita di e wega diaranson di Premier League. E capitan di Inglatera a hunga cada minuut di e otro tres wega di Tottenham durante e periodo festivo druk.

“Cabes ariba”, Kane a bisa den un tweet prome cu Tottenham a anuncia e naturalesa di su lesion. “Temponan duro no ta dura, hende duro si.”

LEAVE A REPLY

Please enter your comment!
Please enter your name here