Kehonan cu banco ta blokia cuenta sin motibo valido

Dienst Huur- en Consumentenzaken (DHC) ta informa cu nan a ricibi keho di consumido cu cuenta di banco a keda blokia, ‘cu e forma con e proceso aki a sosode por ta hopi irasonabel pa e consumido’.

Segun e instancia e banco concerni a saca un comunicado menasando cliente cu lo cera of blokia cuenta di banco. Bon Dia Aruba a purba di haya e banda di nan pa haya un comentario riba e kehonan di clientenan y tambe riba locual DHC awor ta trece dilanti. Sinembargo te awor nos no a logra.

Segun DHC e banco ta uza e reglanan pa prevencion y combatimento di labamento di placa y terorismo pa actua asina contra nan clientenan. Sinembargo tin diferente manera pa verifica e identidad di e cliente asina e instancia ta bisa:

“Segun ordenansa pa prevencion y combatimento di labamento di placa y terorismo (landsverordening voorkoming en bestrijding witwassen en terrorismefinanciering, AB 2011 no.28), banco ta obliga pa entre otro investiga y verifica e identificacion di e cliente. Articulo 19 di “ ordenansa prevencion y combatimento di labamento di placa y financiamento di terorismo” (AB 2011 no. 28): Si acaso e cliente ta un persona fisico, por verifica su identidad por medio di documento, dato of informacion nan di fuente independiente y confiabel.”

Dienst Huur- en Consumentenzaken ta bisa cu nan ta compronde di Centrale Bank cu tin diferente manera cu e banco por haci esaki. Ademas e instancia ta bisa cu por a compronde di articulo 9, lid 1 di e mesun ley cu e banco ta prohibi di establece un relacion comercial y/ of haci un transaccion si e no por cumpli cu e investigacion di cliente.

“Ley Regeling verificatie documenten LWTF (AV 2012 no 11), articulo 1 inciso 1 ta bisa: Como documento riba cual por cumpli cu articulo 19 (verificacion di identidad), inciso 1 y 5, di e ordenansa pa prevencion y combatimento di labamento di placa y financiamento di terorismo ta señala:

  1. a)      un documento di biahe valido, manera indica den articulo 2 di ley di Paspoort (Stb 1991, 498);
  2. b)      un rijbewijs valido, manera indica den articulo 10, inciso uno of dos, di ordenansa wegverkeer (AB 1997 no. 18);
  3. c)      un identificacion valido, manera indica den articulo 2, inciso uno di ordenansa identiteitskaarten (AB 2001 no. 8);
  4. d)     un documento di biahe valido emiti pa e autoridad di e pais di procedencia y cu ta dispone di 1o number di registracion di e titular; 2o pasfoto di e titular; 3o nomber y fam di e titular; 4o fecha di nacemento y luga di nacemento di e titular; 5o e pais y instancia di emision; 6o fecha y luga di emision di e documento di biahe; 7o. fecha di vencemento di e documento di biahe.”

Manera por a lesa aki riba, segun ley tin diferente documento cu e banco por uza pa verifica e identidad di e cliente, segun DHC.

Pa e motibo aki Dienst Huur- en Consumentenzaken ta urgi tur consumido cu a keda perhudica pa motibo di e decision aki pa  pasa personalmente of yama Dienst Huur- en Consumentenzaken na 582-9914 pa informa esaki.

You May Also Like

Dos hotel nobo na caminda pa San Nicolas

Den e proximo dianan, si tur cos bay bon, gobierno ya ta otorga un ...

Despa.JPG

Sarampi ta di 5 enfermedad elimina den region di Americas y Caribe

Wilmer Salazar di Departamento di Salud Publico (DESPA) a laga sa e siman aki ...

Ley colombiano victima violencia.jpg

Colombianonan victima di violencia por busca informacion riba ley 1448

Canciyeria di Colombia pa medio di su consulado na Aruba ta informa na nan ...

Casa Cuna cu proyecto di tres aña pa eleva profesionalismo y servicio

Den cuadro cu cumplimento di 60 aña di servicio di Casa Cuna e aña ...

Ministerio Publico

Ministerio Publico ta cobra 2 miyon florin na 2016

E departamento Ehecucion y Documentacion Hudicial di Ministerio Publico a cobra mas di 2 ...

5P3A0774.JPG

Pickup a dal señora na rotonde den caya di San Nicolas

Diahuebs anochi na e rotonde altura di ex doov den Caya Dick Cooper chauffeur ...