Manera a menciona caba, AFTA ta un entidad huridico independiente, basa riba ley. Su tarea principal ta pa crea nivel di competencia husto, liber y sin restriccion pa tur compania na Aruba, stimulando asina inversion di comercio den su generalidad. Basa riba e presentacion di Sr. Albert Scholten, aki e detayenan di AFTA.

Minister di Asuntonan economico ta responsable pa e sistema, politica di competencia y legislacion. AFTA ta responsable pa implementacion di e politica door di implementacion di reglanan nobo y revision hudicial.

AFTA ta e Autoridad di Competencia Husto. Kico ta competencia?

Competencia ta rivalidad entre empresanan pa obtene e mihor oferta pa e cliente. Den competencia husto, un empresa mester keda ahusta constantemente pa genera ganashi y mantene clientenan pa asina ta exitoso. No por desaprovecha ningun mercado potencial.

Beneficionan pa consumidor:

  • prijsnan mas abao
  • mihor calidad
  • mas libertad di escogencia
  • mas servicio
  • mas innovacion

Beneficionan pa empresa:

  • level playing field – esta condicionnan igual
  • menos obstaculo pa empresanan cu ta cuminsando
  • aumento den competitividad
  • miho posicion di exportacion
  • miho clima di inversion

Beneficionan pa economia:

  • crecemento economico
  • mas empresa local
  • mas oportunidad di trabao
  • reduccion di pobresa
  • aumento den competitividad

Autoridadnan di competencia husto a demostra di tin beneficio, den practica, na mas di 125 pais.

Di esakinan, por menciona algun isla of economia chikito, manera Corsou, Barbados, Jamaica, Trinidad & Tobago, Costa Rica, Panama, Republica Dominicana, Seychellen, Mauritius, Malta, y Guernsey.

Kico ta cambia?
 Un autoridad di competencia husto ta sigura pa no tin cartel, pa no tin abuso di posicion di poder, y ta haci obligatorio pa reporta concentracionnan.

E prome stapnan di AFTA ta bay ta cera conoci cu stakeholder, empresa, trahadornan y gobierno. Duna y ricibi informacion riba kico ta bay cambia, con pa prepara pa e cambionan, y finalmente intercambia ideanan riba ki problemanan tin den nos mercadonan local.