Den nos articulo di siman pasa, nos a tuma un poco tempo pa introduci un tema sumamente importante, esta ora un Inteligencia Artificial (AI) yega y te hasta surpasa expertonan humano den un cierto specialidad. Niun caminda e discusion aki lo ta mas crucial cu den sector medico.

Debi na scarsedad di experto humano, gastonan riba fondonan social, y mas importante cu tur e hecho etico, ora un AI por literalmente haci e trabao miho cu un ser humano. Anno 2025, nos ta bezig ta wak e prome voorproeven di esaki. Den e columna aki nos lo menciona tres diferente ehemlpo concreto unda AI ya caba ta “outperform” e specialista humano.

Radiologia basa riba AI pa pacient di cancer

Pa cierto pacient cu mester haci radiotherapie debi na cancer, ta di importancia hopi grandi cu nan CT scan wordo interpreta na e manera mas precies cu lo por ta posibel. E ta un tarea hopi dificil pa e radioloog humano, door cu literalmente cada millimeter chikito di fayo por eventualmente nifica un tratamento inferior of te hasta cu un pacient lo muri eventualmente.

Den un publicacion den NPJ Precision Oncology. (Sarkar, S., Teo, P.T. & Abazeed, M.E. Deep learning for automated, motion-resolved tumor segmentation in radiotherapy. npj Precis. Onc. 9, 173 (2025). https://doi.org/10.1038/s41698-025-00970-1), ta mustra cu ya caba tin algoritmonan di AI, cu por haci e trabao radiologico aki mas miho cu ser humano y cu menos fout, cu ta traduci su mes den mihor tratamento pa e pacient di cancer en cuestion.

Echocardiogram surpasando cardioloog

Un di e simbolonan mas conoci den medicina ta e Echocardiogram, esta e ECG. Antes e interpretacion di esaki ta rekeri añas di estudio, preparacion y experiencia pa un cardioloog humano por interpreta esaki na un nivel adecua y cu tiki eror.

Den un publicacion den JAMA. (Holste G, Oikonomou EK, Tokodi M, Kovács A, Wang Z, Khera R. Complete AI-Enabled Echocardiography Interpretation With Multitask Deep Learning. JAMA. 2025;334(4):306–318. doi:10.1001/jama.2025.8731), ta elabora riba un sistema di AI designa cu por haci full e interpretacion di un echocardiogram, completamente automatisa. Esaki por tin impacto radical pa un sistema di salubridad. Pensa riba Eerste Hulp unda un interpretacion corecto di un ECG por kiermen e diferencia entre bida y morto of pa massa screening di full Aruba su poblacion adulto. Algo cu antes simplemente no tabata posibel door di gasto y manpower cu esaki lo rekeri.

Recepcionista AI

Como un recepcionista humano den Salubridad, bida tin biaha por ta basta dificil. Tiki hende cualifica y demasiado pacient ta hopi biaha crea frustracion na tur dos parti, como e recepcionista humano lo ta sumamente cansa na fin di dia y hopi biaha un pacient mester yama varios bes prome haya un recepcionista na linea.

Awo imagina si tin un recepcionista medico disponible 24/7 y 365 dia pa aña, ningun minuut di espera. Ora bo yama un recepcionista AI ta asisti bo. Segun analisis publica den Healthcare IT News, experimentonan cu un AI voice agent medico yama “MAIRA 2.0”, ta mustra basta interesante.

Na prome lugar, 100% di yamada ta wordo contesta, solamente 25% di yamadanan ta rekeri un doorverwijzing na un recepvionista humano y segun hospitalnan cu a test e sistemanan aki, e ta 70% mas barata cu tuma staff humano pa e trabao aki.

AGI pa 2035: No ta dokter humano so lo ser afecta
 Debi na e hecho cu medicina eticamente mester duna e servicio mas miho cu ta posibel, pasobra sino e ta resulta den sufrimento humano, lo pone un presion grandi pa automatisa Salubridad. Pero siguramente esaki no ta un tendencia cu ta dokter humano so e lo afecta. Vakgebieden manera Ley, y Accounting tambe lo wak hopi druk pa automatisa den e siguiente decada. E pregunta lo ta ki aña nos lo wak 100% automatisacion di varios cupo di trabao.

Na otro banda, si en berdad AI por haci tur trabao miho cu hende, na un prijs cu ta 70%+ mas barata cu ekivalente humano. Tur esaki por crea prosperidad inmenso pa nos sociedad. Awo con nos lo dividi e prosperidad inmenso aki lo bira e pregunta mas cardinal