Mientras cu tur hende tabata celebra den fin di siman Pasco dia liber, ladronnan tabata riba trabou vigilando propiedad di otro persona pa horta. Asina den dianan liber ladronnan a kibra drenta y horta den Athlete’s Foot den Caya principal y horta placa. Polis a presenta na e sitio pa asina tuma e datos di e kiebro di ladronicia aki y a notifica departamento forensico di Cuerpo Policial pa saca evidencianan pa start un investigacion.
Bon Dia Aruba no a logra haya un reaccion di gerencia di Athlete’s Foot mirando cu e investigacion ta andando, pues no por a divulga ningun detayes ainda.
E tienda Angelo tambe a haya bishita di antisocial den e fin di siman di fiesta. Diamars mainta ora personal a bay habri e tienda a constata cu ladron a kibra drenta pa horta den e negoshi. Patruya di Oranjestad a presenta na e sitio di biaha pa asina tuma e denuncia for di esun encarga.
