(CNN) – Un video di Kim Kardashian ta papia tocante muhenan profesional ta ricibiendo critica. E video ta di un entrevista di Variety cu Kardashian, su rumannan Khloe y Kourtney, y nan mama, Kris Jenner, kende ta manage nan. E grupo tabata promocionando nan proximo serie reality riba Hulu, ‘The Kardashians’.
“Mi tin e miho conseho pa muhenan y negoshinan. Lanta for di bo s**ca y traha. Ta parce cu niun hende kier traha awendia”, Kim Kardashian a bisa den e clip.
Su ruman Kourtney a bay di acuerdo, bisando ‘esey ta berdad’.
“Bo mester rondona bo mes cu hende cu kier traha”, el a agrega.
E comentarionan no a baha bon riba rednan social, unda hopi hende rapidamente a destaca cu Kardashian ta bin di un famia hopi rico.
Actriz y activista Jameela Jamil a tweet tocante e comentario. “Mi ta kere si bo a lanta na Beverly Hills cu mayornan super exitoso den loke tabata simplemente un mansion mas chikito… ningun persona mester scucha bo pensamentonan riba exito y etica laboral”, Jamil a tweet.
