FILE - This Sept. 10, 2019, file photo shows Kim Kardashian arriving to the Serena Williams fashion show during Fashion Week in New York. Kim Kardashian West is selling a stake in her beauty brand for $200 million, in a deal that values the TV reality star's three-year-old business at $1 billion. The buyer is Covergirl owner Coty Inc., which will get a 20% stake in KKW Beauty. (AP Photo/Seth Wenig, File)

Kim Kardashian West ta bendiendo un accion den su marca di beyesa pa $200 miyon, un acuerdo cu ta balora e negoshi di tres aña di e strea di reality na $1 biyon.

E cumprado ta doño di Covergirl, Coty Inc., cu lo haya un accion di 20% den KKW Beauty. Coty parce di ta namora cu e Kardashians: aña pasa a cumpra un accion di 51% den e linea di makiyahe di e ruman muhe chikito di Kardashian West, Kylie Jenner.

Kardashian West, kende ta aparece den e reality ‘Keeping Up with the Kardashians’, a crea KKW Beauty na 2017 y a usa su centenares di miyones di siguidonan riba rednan social pa bende lip gloss, body foundation y perfume. Ainda e ta promove KKW Beauty online y lo yuda crea productonan nobo.

Coty tin plan pa expande e marca na mas pais rond mundo y posiblemente den otro categorianan, manera crema pa cuero y shampoo. Tambe ta spera cu e marca famoso por yuda reforsa benta y conecta cu clientenan mas jong, cu ta pasa hopi tempo riba rednan social.

Marcanan di Coty, incluyendo makiyahe di Max Factor y pintura di huña Sally Hansen no por competi cu e alcance di KKW Beauty. Max Factor, por ehempel, tin 585mil siguido riba Instagram, mientras KKW Beauty tin 4.4 miyon.

Coty, cu ta spera e acuerdo lo cera otro aña, no a revela ningun dato di benta di KKW Beauty. Accion di Coty, basa na New York, a aumenta mas di 13% pa cera na $4.74 dialuna.

LEAVE A REPLY

Please enter your comment!
Please enter your name here