Awo cu e periodo di Pandemia ta tras di lomba y poco poco farandula ta normalisando, KIZZME ta bek cu un compa melodico titula ‘ONLY WITH YOU,’ cu e talentoso cantante QSHANS. Spesíficamente, e cantica sensual ta un ‘Compa Gouyad,’ cu elemento nan di zouk y ritmo combina, pues un perfecto cantica pa baila riba un tegel.

‘ONLY WITH YOU’ a keda skirbi y composita pa QSHANS, Mr. Ray Bass y AJ GRAND, kende tambe a aregla e piesa. Qshans : E ultimo añanan tras di lomba, Qshans a traha duro riba su carera artistico, posishonando su mes como un vocalista di peso den e genero di Ritmo combina na Hulanda.

Manera ta conoci, e la milita den front di Cache Deluxe and Cache Royale pa varios aña. Como solista, Qshans a sigui saca diferente single manera ‘No Trata Mi Asina’ cu Stanley Clementina, y ‘Mas Mi Drai’ hunto cu Ivanhoe Willems, tur dos na 2020. Entre 2016 pa 2019, Qshans a marca pouta ora e la realisa su soño y penetra den e mundo di teater na Hulanda cu su actuacion den ‘the Lion King’ como e suplente pa e rol di Banzai. Tambe Qshans a figura den ‘Mama Mia’ como Pepper y den ‘Sister Act’ como TJ, Pablo y Eddie Fritzinger na Oberhausen, Alemania, y últimamente e obra basa riba bida di e legendario Tina Turner.

Den e siman binidero Qshans lo ta na Corsou y Aruba pa algun presentacion exclusivo.

Plannan grandi na 2017, KIZZME a keda funda na Hulanda pa e basista y cantante Riendy Holder, miho conoci como Mr. Ray Bass, kende a uni forsa cu talentoso compositor y musico Andre ‘AJ GRAND.’

Pantophlet y Orville ‘OMD’ Mac Donald pa asina forma e nucleo musical di e banda. E banda afrocaribence ta conoci pa su abilidat distinto di crea un sonido unico unda ta mix Kizomba, Zouk, Compa, Semba y musica afrosentrico. Sobra integrantenan di KIZZME ta cantante Nilson Silva, Natalia Santos, Marise Barbosa Verela di Cabo Verde, y percucionista Kevin Leito di Corsou.

E colaboracion cu Qshans ta tipico e manera di colectivo con KIZZME ta funciona, unda su integrantenan ta traha tambe riba nan respectivo proyecto individual. Pa e piesa aki KIZZME tambe a traha cu dos musico di Martinique y Francia cu a yega di milita den Kassav.

For di cuminsamento di e aña aki, KIZZME a traha hopi riba nan estilo y producion musical y a ranca sali cu diferente composiciona propio nobo. KIZZME tin plannan grandi pa e aña aki, unda nan lo lansa diferente piesa den e lunanan benidero. Dia 11 di Juni benidero, KIZZME lo presenta ‘ONLY WITH YOU’ na e evento di baile SILENT KIZZ na Amsterdam, unda nan lo deleita entre otro e fiel bailado di kizomba y compa, cu ta gosando di un otro ola di popularidat. Ultimamente KIZZMo tin como meta pa uni tur hende via muziek afrocaribence, treciendo nan, hunto pesar di nos diferencia di idioma y cultural.