Cu parlamentarionan y ministernan na Aruba, Curaçao y Sint Maarten kier sacrifica nan salario ta “un gesto agradabel”. “ Pero lo mester haci mucho mas cu esaki”. Raymond Knops a bisa recientemente.
E politiconan di e tres islanan autonomo ta kere cu nan tambe mester haci sacrificio, pa motibo cu e habitantenan pronto lo mester haci recortenan substancial debi na e crisis di coronavirus. Knops tambe kier cu ingreso superior converti den cosnan di pasado lihe atraves di e gobierno.
Locual ta trata e cabinet Hulandes, e ta un conclusion inevitable” cu e administradonan di e islanan ya no por sigui recibo un salario. Sigur awo cu Hulanda ta pidiendo ayudo financiero Den Haag ta pensa.
“ Ta in aceptable cu pa un banda e personanan no tin alimento y pa e otro banda e tipo di salarionan cu ta ser paga pa islanan relativamente chikito” Knops a bisa.
No ta trata di solamente salarionan di politiconan, pero locual ta concerni Hulanda , ta trata tambe si e salarionan di e gobiernonan NV y por ehemplo Banco Central de Curaçao y Sint Maarten.
E “ salarionan halto” a causa molester den e politica na Den Haag durante añanan. E secretario di estado ta spera cu e islanan continua haci “declaracionnan claro”, “traha leynan y sometenan pa votacion”
Sint Maarten ta cumpli cu rekisito di Den Haag
E ministernan y parlamentarionan di Sint Maarten lo entrega 10% di na salario. E reduccion ta vigente desde 1 di april y esaki a ser sugeri p e minister di Finanzas Ardwell Irion.
Porciert, reduci e salarionan pa basta tempo caba ta un rekisito dificil pa e gobierno a Hulandes a cambio di apoyo di likides. Ora a cumpli cu esaki e isla por a bolbe conta cu e ayudo financiero cua ricibi diabierna ultimo.
Parlamentarionan di Curaçao rindi temporalmente
Na Curaçao e parlamentarionan a dicidi di entrega temporalmente 10% di nan salario, Pa e momento esaki ta solamente referi na e lunanan di mei, juni y juli.
E gabinete kier introduci un “ impuesto solidario”. Na prome luga e ministernan y parlamentarionan tin cu sacrificio nan salario. Ademas, tambe ta examinando den ki medida e funcionarionan y directornan di organisacionnan gubernamental mester haci esaki.
E gabinete di prome minister Eugene Rhuggenaath ainda ta trahando riba un proyecto di ley. E plan despues lo bay parlamento pa votacion.
Aruba mester warda un rato
Na Aruba tin hopi discusion den e arena politico tocante con y cuanto politico mester rindi. E partidonan gubernamental MEP y RED a presenta un proyecto di ley.
E coalicion ta plania cu e parlamentarionan entrega 10% di nan salario. Ademas, su pago di bonus lo vence juni e aña aki.
Un mocion di e miembronan di estado Alan Howell(POR) y Daphne Lejuez (independiente) pa entrega 1000 florin den e proximo 3 luna a stanca.
