Kooyman: A yega na un acuerdo di principio cu sindicato FTA

fta kooyman negoshacion.jpg

Diabierna anochi partidonan a yega na un acuerdo di principio encuanto e delaster punto pa un termino di 3 aña di CAO entre Kooyman y sindicato FTA.

Un demanda di Kooyman tabata pa no continua cu aumento di salario structural adicional na aumento di salario a base di evaluacion anual. Den e CAO nobo e aumento structural no a wordo inclui. Ademas a traha un acuerdo vinculante riba e aumento di salario structural pa futuro.

 

A cambio di e consenso di banda di sindicato FTA, Kooyman a bay di acuerdo cu un suma den forma di lumpsum di AWG. 1500,- pa cada trahado. E lumpsum aki ta wordo paga den termino di tres aña.

E CAO nobo ta wordo firma, diamars 21 di juni pa esnan cu ta negocia den termino retroactivo cu ta cuminsa cu fecha, 1 di april 2016.

 

Diabierna atardi ambos partido no a logra yega na un acuerdo. Riba demanda di mediador ambos partido a sinta atrobe diabierna anochi, cu sinembargo a conduci na un acuerdo mutuo. Esaki ta conduci na un final cu a cuminsa cu un welga diamars 14 di juni atardi 2or di un parti di e trahadonan cu a termina den un welga. Durante welga Kooyman a continua cu servicio pa clientenan.

 

E personanan cu ta negocia den nomber di Kooyman; Senior Manager Operations Juri Kooyman y Senior Manager Human Resources Sharon York, ta contento cu a yega na un acuerdo. “Banda di trahadonan contento, na final e parti mas importante ta cu Kooyman por keda duna e servicio cu e clientenan ta custumbra cun’e. Esaki tabata e parti cardinal pa yega na un acuerdo, di cual nos a sinti cu mester a entrega mas cu nos ta desea pa logra esaki”. Esaki ta conta tambe pa FTA, cu mester a bandona e posibilidad di aumento di salario structural pa futuro. “Pa splica den otro forma, si ambos partido mester a entrega di nan parti y ta menos contento cu e acuerdo, bo por bisa cu e maximo resultado a wordo logra for di e negociacion”, segun negociado Juri Kooyman.

You May Also Like

IMG_0640.JPG

‘Desapunta den AZV y gobierno pa cu morto di mi tata’

E famia di sr. Koolman cu a fayece na Colombia lo bay entrega un ...

Sindicato uni

Sindicato uni a reuni cu Plasterk riba perspectiva economico Aruba

Union Sindical Aruba (USA) ta un unidad sindical di cual mas o menos 13 ...

Kinderarts na hospital: Casonan manera Rishandroh y Eugene tur dia

Kinderarts na hospital Louise Rafael-Croes – kende ta trata cu casonan di abuso sexual/fisico ...

Ainda ningun reaccion for di gobierno riba detencion di Paul Croes

Diamars merdia Bon Dia hunto cu otro medionan a bolbe purba di haya un ...

Departamento di Emergencia: ‘basta ocupa durante Pasco’

Durante e dianan di Pasco, Departamento di Emergencia na Hospital a atende 300 pashent. ...

‘Semper tin e pensamento cu muchanan di afo ta menos capacita’

Siman pasa a tuma luga e resultado final di examen na tur e scolnan ...