Criminalidad no ta para keto y nos di KPA tampoco! Cuerpo Policial Aruba ta sigi crece por medio di colaboracion, innovacion y modernisacion ariba e parti efectivo y eficiente pa combati criminalidad.
Despues diferente pasonan importante den e parti digitalisacion durante e ultimo añanan, a yega e momento pa eleva KPA cu mas ekipo moderno y sofistica. KPA a adkiri un drone policial specialisa y ta cuadra cu e futuro di innovacion di nos organisacion riba un nivel internacional bon ekipa. Cu sensornan, camera y opcion nan sofistica di ultimo version di e compania mas grandi y renombra cu ta DJI.
Combatiendo criminalidad den un forma profesional y den un otro bista usando ekiponan moderno cu ta haci e trabou di Polis mas eficiente. Tambe ta yuda pa investigacion, orden publico y mucho mas den nos operaccionnan diario.
Cuatro colega di KPA a sigui un curso hopi intensivo di “Theoretical and Practical Drone Flight Course- Enterprise Line. E curso a ser duna door di G.J. Luna – DJI instructor y M. M. Zuniga – DJI engineer di Drones Empresariales de Centroamérica S.A.
Na final di e curso a duna un presentacion na alto mando di KPA.
KPA ta felicita e coleganan di KPA pa a pasa e curso aki cu exito. Nos ta keda traha pa mehora e parti di seguridad di nos Pais cu introduccion di tecnologia avansa.
