Cuerpo Policial Aruba a tuma nota cu recientemente tin un tendencia pa loke ta trata hortamento di e brommer marca AKT.
“Nos kier conscientisa nos comunidad cu tin un di e brommernan aki, pa tuma bon nota di esaki y como mensahe di prevencion pa pone extra seguridad pa evita cu bo brommer wordo horta,” Cuerpo Policial a bisa den un comunicado di prensa.
Esaki door di pone por ehempel: un bon candal, un stuurklem, GPS-tracker y of alarma.
Paga bon atencion na unda bo ta parkeer bo brommer. Por ehempel: par’e na unda tin suficiente luz, pone bo brommer na cadena cu slot na un obheto cu ta dificil pa move y bay cune.
Otro tips extra ta no laga bo yabi na unda cu ta. Percura pa bo saca foto di bo brommer incluyendo e serienummer. Esaki ta pa si acaso e wordo horta bo por mustra polis.
Cuerpo Policial lo keda informa y conscientisa pueblo pa ta mas alerta pa tipo di actonan asina.
