KPA ta organisa ‘Kijkdag’ cu vehiculonan y brommer confisca

ORANJESTAD – Korps Politie Aruba a duna di conoce cu e dia di ayera y awe, desde 8or di mainta te 3or di atardi, e proyecto ‘Kijkdag’ lo tuma luga na e warda di Santa Cruz, cu permiso di Mando Policial.

Sr. Lito Lacle a splica cu esaki ta un iniciativa cu nan ta organisa pa haci full limpi e luga di warda di Santa Cruz, cu na e momentonan aki ta yen di auto y brommer cu a confisca na diferente operativo, manera infraccion den trafico of otro.

Bon Dia Aruba a observa cu tambe por a mira potchi di matanan di marihuana cu a ser confisca tempo pasa, e obhetonan ey a ser hiba na Centro di Agricultura Santa Rosa.

El a informa cu nan a haci un yamado pa tur persona of doño di auto pa acerca warda di Santa Cruz cu e comprobante cu ta señala cu nan mes ta e doño di e auto, y nan lo por bay cune, nan mester paga un suma di 175 florin so.

Lacle a bisa cu esaki ta e prome fase, despues KPA lo bay haci e yamado un biaha mas, si e vehiculonan cu di un of otro manera no por haya e doñonan, despues di e dianan aki nan lo por aplica e artikel 31 lid 2 di ‘Het Landsverordening wegverkeer’, cu ta encera cu vehiculonan cu tin mas di 3 luna (90 dia) para na Warda Di Santa Cruz, Cuerpo Policial por deshaci di nan.

Tambe el a señala cu e motibo di e ‘Kijkdag’ ta pa nan siguridad mes, pa motibo cu nan tin hopi auto na warda ey, y e personanan deteni ta na e mesun luga, y esey lo por ocasiona problemanan grandi den futuro.

Lacle tambe a expresa cu e persona encarga di e proyecto aki ta e Onderinspecteur Rodney Solognier. Nan ta haci den e districto di Santa Cruz y despues nan lo sigui na otro districto. Cu e proyecto aki, hende tin un chens di por busca nan auto pagando e suma ey, pa motibo cu pa dia e suma ta di 25 florin, y el a sigura cu hopi di e autonan cu ta na e luga tin mas di tres luna.

 

 

You May Also Like

minister bermudez control offshore criminalidad.jpg

Empresa “offshore” por funciona totalmente bou structura legal na Aruba

Despues cu a wordo conoci e caso yama “Panama Papers”, minister di Finansa sr. ...

ahata, turismo, turista, zika,

AHATA: Mensahe di Zika na turista, consistente y reactivo

Industria di turismo por medio di CEO di AHATA Jim Hepple, a informa cu ta ...

Proyecto di fast ferry pa islanan ABC no tin relacion cu Venezuela

Un biaha mas minister Andin Bikker a expresa su deseo den nomber di gabinete ...

A purba maluza Aruba por medio di refineria

Pa por scapa di sanacionnan internacional riba Siria, a purba di maluza Aruba manera ...

27juli, JO, Borchi robes.jpg

Borchi den Oranjestad tin mas cu 20 aña ta dirigi turista den mal direccion

Un ciudadano a acerca Bon Dia pa comparti su disgusto riba e echo cu ...

video agresion fisico y verbal.JPG

Video pa hendenan ‘bira mas consciente di maltrato’ a bira viral

Maria Agramonte ta e persona cu a graba un video cu ta mustra un ...