Cuerpo Policial Aruba pa hopi aña tin un bon colaboracion cu e Nederlands Forensisch Instituut (NFI).
Recientemente account manager internacional di NFI, Sra. Judy van Overveld hunto cu advisor forensico internacional di NFI, Sra. Yvette van Duin a haci un bishita di trabao na altocomisario Sr. Ramon Arnhem.
Durante e encuentro aki a mira riba e colaboracion den pasado, a haci tambe un evaluacion y a papia tocante desaroyo pa futuro, segun un comunicado di prensa.
“Nos ta mustra gratitud na NFI pa e bon colaboracion y contribucion valioso cu nan ta duna pa cu e investigacionnan forensico,” e comunicado a bisa. “Hunto nos ta traha riba innovacion y resultadonan concreto pa cu investigacionnan.”
