Luna pasa e hunta simbolicamente a duna luz berde pa asina drecha e camindanan den mal estado na Bonaire despues di 62 aña di mantencion atrasa. Pero esaki ta solamente e comienso, pa motibo cu esaki lo tuma 16 aña mas prome cu esaki keda cla.

Durante basta tempo tabata tin un discusion tocante ken ta financieramente responsabel di e red di careteranan. Debi cu Bonaire ta un municipio special di Hulanda, Hulanda ta kere cu e isla ta responsabel, igualmente cu tur e municiponan di Hulanda. “ Bo tin cu imagina cu esaki ta un proyecto di 90 miyon dollar, cu ta dobel e presupuesto di full Bonaire”, Etienne van de Horst director interino di e Directiva di espacio y desaroyo.

“E proyecto lo dura 16 aña, dividi den 4 proyecto di cuater aña. E condicion di e careteranan ta basta malo. E estudionan encarga pa e conseho ehecutivo na 2012 y 2017 a demostra esaki” Van de Horst a bisa.

E plan plurianual a presenta na november 2018. “ Esaki si a tuma un tempo. A ser dicidi cu Hulanda lo yuda Bonaire cu e proceso di licitacion y mantencion. Por lo tanto nos a asocia cu e municipio di Rotterdam y e municipio di Alpen aan den Rijn. No lo gusta cu nos hendenan traha hunto cu e expertonan Hulandes pa asina nos por siña di nan y crece como un organisacion” Van de Horst a bisa.

Camindanan di scol lo haya e prome turno
E diputado Elvis Tjin Asjoe hunto cu Van de Horst luna pasa a tira un bista, a splica cu ademas : “ A priminti un total di 3.3 miyon euro den e acuerdo administrativo di 2018 pa asina mehora e careteranan alrededor di e scolnan y otro 5 miyon euro pa un specificacion cu a ser skirbi”.

Pero a tarda te final di 2019 prome cu e prome camindanan dilanti scolnan a ser trata. “Pa licita y eligi u n empresa cu ta hiba cabo e tarea ta un procedimiento compleho y cu ta rekeri hopi tempo”, Van de Horst a splica.

Mucho Largo
“ Awo esaki ta cuminsa funciona y ta birando mas suave. E cooperacion entre e dos municipionan ta bayendo bon”, el a bisa. Van de Horst awo ta ocupa cu planeando cual camindanan mester bay prome. “ na principio tin 16 aña pa e proyecto aki. Esaki ta significa cu un serie di caretera ta yega na turno den 15 aña. Esaki ta dura demasiado tempo.

Lo intenta pa implementa e prome proyecto, cu a ser asigna cuater aña, den dos aña, pa asina nan por obtene placa pa cuminsa e segundo programa.