Recientemente e atletanan di artistic swimming Kyra Hoevertsz y Abigail de Veer a debuta den e Weganan Panamericano 2019 na Lima, Peru. E duet elite di Aruba mester a landa nan rutina tecnico como e ultimo competidonan.
Mester bisa cu Kyra y Abigail a duna un bon prestacion unda nan a logra un total di 73.1148 punto bon pa un di 7 luga overall. E huradonan a score pa Ehecucion – 21.6000, Impresion – 22.3000 y Elemento – 29.2148 mientras e duet no a haya penalty. E duet di Aruba ta laga Chile, Peru, Guatemala, El Salvador y Cuba nan tras. E pais di Canada, Mexico y Merca a domina a prome tres luganan. Esaki ta segun e fuente 297 Sports.
Diaranson mainta Kyra y Abigail lo mester landa nan rutina liber.
