Recientemente durante tratamento di e caso Troya dia 30 di juni ultimo, hues a scucha varios testigo entre nan empleadonan di Maduro & Curiel’s Bank (MCB).

E empleadonan aki a indica cu e banco a haya un ganashi di 3 pa 5% pa cada biaha cu un persona swipe nan carchi den un di e mashinnan aki. Entre e testigonan aki tabata Mr. M. Prince y Mr. Isebia, ambos a declara cu e banco a haya un maximo di 5% pa cada transaccion.

Durante di e tratamento di e caso, tambe a sali na cla cu otro companianan tabata uzando e mashinnan aki pa asina ricibi dollar. Tabatin un departamento na e banco cu lo tabata check e sistema di swipe, pero mester a stop e transaccion di dollar.

E tratamento di e caso lo continua dia 6 di augustus y lo dura te cu dia 9 di augustus. E solicitud di Ministerio Publico lo ser amplia y lo tuma un dia completo pa presenta esaki.

 

LEAVE A REPLY

Please enter your comment!
Please enter your name here