(Aruba.nu) – Un lagadishi tropical, sin cu hende a nota, a sobrevivi un vuelo di Aruba pa Hulanda y a presenta e fin di siman aki na un cas riba Sillestraat na Den Haag. E animal parce di a pega un careda den e maleta di un dama cu tabata regresando di vakantie for di e isla diahuebs.
E habitantenan a keda spanta ora diripiente nan a mira e reptil chikito ta core rond den nan cas. E criatura a ser captura diadomingo y temporalmente aloha den un vaas di glas, segun e website di emergencia Regio15.
Debi cu e tabata un especie exotico, e dama a tuma contacto cu un tienda di reptil dialuna, cu a conseh’e pa tuma contacto cu e ambulance di bestia.
Refugio
E personal di ambulance di bestia a piki e bestia y a hib’e na un shelter specialisa, unda awor e ta bibando hunto cu otro lagadishinan. Con exactamente e lagadishi a termina den e maleta no ta conoci. Ta probable cu el a ranca drenta den un saco sin cu el a ripara.
Animalnan exotico no ta raro pa hende biaha cu nan den maleta of entre paña. Na Hulanda, tene bestianan tropical ta someti na reglamento. Ta prohibi pa importa nan sin un permiso, aunke den e caso aki, probablemente no tin evidencia di intencion.
