Home Deporte Landamento Artistico a clasifica pa weganan Centro Americanos

Landamento Artistico a clasifica pa weganan Centro Americanos

227

Recientemente e seleccion di Landamento Artistico cu a biaha recientemente pa Panama a logra clasifica pa e weganan Centro Americanos y del Caribe 2018. E team aki cu ta consisti di Neftaly Albertsz, Kainah Croes, Zurienne Dabian, Abigail de Veer, Sarah Silva, Nathania Taylor, Meghan Tromp, y Anastasia van Daal, a logra clasifica pa e weganan CAC 2018 cu lo ta na Baranquilla Colombia na juli 2018. Feliz nan ta regresa Aruba cu clasificacion y 2 medaya riba dje! Esaki ta segun e comunicado cu nos a ricibi. E Duet, consistiendo di Anastasia y Abigail y como reserva Neftaly, den rutina liber a logra un medaya di Plata mientras cu den e rutina di ekipo liber a subi podium pa busca nan medaya di brons. Coach Alva Torres tabata presente na Panama pa guia e atletanan. Stella Leslie, como presidente di Comicion Tecnico di CCCAN tabata encarga cu henter e competencia, mientras cu Esther Croes a fungi como Hues.