Ayera nochi durante un evento grandi e artista musical Jeon (Jonathan Thiel) conhuntamente cu J Balvin a lansa e version internacional di e cantica Machika.
Un presencia grandi for di e mundo di artista, politico y medionan a presenta na ex John F Kennedy School unda a mira un parti di e videoclip. E lansamento oficial di esaki lo tuma luga fin di siman na Los Angeles. Tin rumor cu Machika lo bira e cantica oficial di e Fifa World Cup 2018. Pero nos no a logra di haya un confirmacion. E artista Arubano Jeon lo no colabora cu e artista internacional J Balvin so pa e Machika; Jeon lo join un J Balvin riba un tour internacional.
