Artista Colombiano, Jose Alvaro Osorio Balvin, miho conoci como J Balvin, a gana e premio pa miho album di musica urbano pa su disco ‘Colores’ den Latin Grammy 2020, kitando e premio for di Bad Bunny, kende durante ultimo añanan a consolida como un di e musiconan mas popular di Latinoamerica.
E usuarionan di rednan social no a tarda den reacciona cu meme, humor, sarcasmo y inclusivo indignacion pa e decision di e Academia Nacional di Arte y Ciencia di Grabacion.
Ricibiendo e premio, J Balvin a bisa: “Bon, di berdad esaki ta bay prome pa Colombia y obviamente San Andres. A providencia di tur pais cu ta sufriendo cu e horcan. Y mi kier gradici Sky pa ta mi man drechi den e album aki, ‘Colores’. Y mi ta kere cu loke e mundo aki tin mester ta e momento aki ta colornan. Danki na tur colega, felicidades, mi ta stima boso hopi.”
Cu 13 nominacion, J Balvin tabata e artista mas nomina den e edicion aki di e Grammy Latino. Es mas, e cantidad di nominacion aki a dun’e e Record Guinness pa mas nominacion den Grammy Latino den un solo aña. Na segundo luga, cu 8 nominacionnan, tabata e Portoriqueño Bad Bunny.
Usuarionan di rednan social rapidamente a duna nan analisis. CrisVanGuez25 a bisa: ‘YHLQMDLG’ [di Bad Bunny] ta un album mas completo, esey niun hende ta pone den duda. Pero Benito por saca 40 album igual na esey si e kier. Loke ta diferencia nan ta e concepto, mi ta bolbe ripiti. No tin ningun otro album manera ‘Colores’, no tin y niun hende por nenga esey.”
Sinembargo, usuario Majo a bisa: Con bo ta bay duna miho album na ‘Colores’ si tin ‘YHLQMDLG?????’
E premionan Grammy Latino ta e reconocemento cu e Academia Latino di Arte y Ciencia di Grabacion ta otorga. E schema ta deriva di e premio Grammy cu ta duna premio na musica den contexto anglosajon.
