Diaranson mainta na Traimerdia Sonrisa, a tuma luga e lansamento di e proyecto “Leap of Faith”, un proyecto dedica specialmente pa personanan cu discapacidad fisico. Terrance Ras, e creador di e proyecto aki, a elabora ariba e meta di e proyecto y con su mesun experiencia a dunele inspiracion a lansa e proyecto aki.

Pa mas di tres aña, Sr. Ras ta splica, el a traha dia y anochi pa logra su meta y presenta e idea innovativo aki cu ta pa personanan cu dificultad fisico, no solamente den rolstoel so, pero tambe cu tin problemanan di dolor cronico, problemanan muscular y mas problema cu por limita e mobilidad di e un persona.

“E ta algo hopi importante pa mi y e ta algo cu mi ta haciendo di curason ya cu mi mes tabata un pashent cu tabata den rolstoel cu a logra cana back despues cu mi no tabata suppose di cana of core atrobe”, el a bisa.

Sr. Ras ta conta cu hunto cu su team nan a ripara cu pa basta tempo caba no hopi ta wordo haci den e area aki pa personan cu ta deshabilita, den rolstoel, y pa hendenan cu tin diferente otro dificultadnan. Pa medio di un solucion innovativo pa e problemanan actual den e area aki, cu e proyecto “Leap of Faith”, nan kier tey presente pa tur e hendenan cu un of otro discapacidad fisico.

Di su propio experiencia Sr. Rasa a haya a inspiracion pa cuminsa cu e proyecto aki. E ta conta cu 20 aña pasa e tabata envolvi den un accidente di auto cu e resultado cu e tabatin alrededor di 18 schroef den su pia y cu a ponele keda ariba cama pa casi dos aña. Esaki, e ta conta, tabatin un impacto hopi fuerte ariba su persona.

E ta splica cu na momento cu un persona ta ariba un cama pa asina hopi tempo sin por move, e curpa ta cuminsa bay atras y haya herida y kico cu haci ta bira un dolor pasobra e curpa ta bira asina zwak door di perde musculo tambe. “Mi ta corda bon cu mi tabata desapunta te cu mi tabata hasta suicidal e tempo ey, pero toch cu un smile ariba mi cara pa tur hende ta contento”, el a bisa.

“Un mainta mi a lanta y cu mi kruk mi a bay sinta den lama. Sinta den awa bayendo hunto cu e coriente di awa y sin sa mi a dal mi prome stap back y eynan mi a ripara cu mi a yega cierto nivel di awa cu mi por a para back. Mi no ta gaña, e dia ey mi a cana por lo menos un cuater ora den awa. E tabata un felicidad cu mi no sa con pa splike. E proyecto yama “Leap of Faith” pasobra e dia ey canando den awa, esey ta exactamente loke mi a sinti, cu mi a tuma un salto di fe e dia ey y esaki ta e resultado awe”, el a agrega.

El a sigui splica cu, aunke su dokter a bisele cu nunca mas el lo por dobla mas, cu el lo ta limita pa haci hopi cos y cu 40 aña el lo ta un pashent di dolor cronico, door di train den awa constant despues di 8 luna el la logra haci e half marathon Aruba y pa e siguiente seis añanan el a competi den Master Physique Aruba y a hasta representa Aruba internacionalmente tambe.

Na Aruba tin hopi caminda cu e hendenan cu ta den rolstoel no por yega pasobra e acceso ta limita. E proyecto “Leap of Faith” ta un pier cu ta bay den awa y cu lo duna e personanan cu ta den rolstoel acceso na e lama tambe y asina yuda nan sintti “mas humano”. “Mi no ta lubida nunca mas con e ta sitni pa bay lama cu mi famia, of unda cu bo ta den rolstoel y pretende di tin un smile falso ariba bo cara pasobra abo tin cu mustra cu bo ta contento pa nan ta contento. E ta algo cu nunca mi ta lubia y mi kier trece un posibilidad pa cambia e mentalidad aki door di mi experiencianan”, Sr. Ras a expresa.

El a splica cu e pier aki e personanan cu ta den rolstoel por drenta lama y cada bes awa yega na un cierto nivel, ariba lombrishi, e curpa ta bira hopi mas light cu ta permiti e persona haci hopi mas cos cu por ehempel durante therapie no ta posibel pa motibo di impacto di peso. E mesun ehercicionan cu ta wordo haci den therapie por wordo haci den awa tambe, kitando e problema di jointsnan.

Manera mi a bisa cu un yudansa asina ki ora cu ta papia di awa, e ta haci tur e diferencia y ami ta e living proof di esey. Cu the right mindset, y e curason y bo dificultad e ta posibel. Ami a haci un no un si y mi ta purba sikiera trece un tiki mehoracion” Ras a agrega. E proyecto tambe ta tuma algun tempo di investigacion, Sr. Ras a splica. Durante un periodo di mas o menos un aña mester haci un investigacion pa asina nan por ta sigur cu sin importa con fuerte e biento ta na e localidad, e structura ta keda stabiel. E prome investigacion a tuma luga na Baby Beach cual tabatin un resultado exitoso.

E proyecto yama Leap of Faith. Pakico e nomber ey, pasobra e dia ey canando den awa ta exactamente loke mi a sinti, cu mi a tuma un salto di fe e dia ey y esaki ta e resultado awe.