MOSCOW (AP) — Legisladonan Ruso a aproba un ley prohibiendo personal militar di uza smartphones mientras nan ta den servicio, un accion cu intencion di stop informacion sensitivo di aparece riba rednan social.
E ley aproba pa e camara baho diamars tambe ta prohibi militarnan post potret, video, y informacion di nan mes, otro militar, y nan famianan riba internet. E legislacion nobo ta formalisa restriccionnan riba uzo di smartphone y tablet, ordena anteriormente pa e ministerio di Defensa.
Esaki ta yega despues di e publicacion di storianan di fuentenan habri tocante e lucha na oost di Ukrania, entre e separatistanan cu sosten di Rusia y e forsanan Ukraniano, y tambe tocante e campaña militar Ruso na Siria.
E reportenan a depende riba postnan riba rednan social di militarnan y nan famianan pa documenta perdidanan Ruso, y ofrece detayenan di e lucha cu hopi biaha ta contradeci e version oficial di Moscow.
