(AP) – Lewis Hamilton a bisa cu e djis kier disfruta di e pelicula “F1” su exito mientras e tabata adverti diahuebs cu pura haci un di dos lo ta e “pio cos cu nos por haci.”
E campeon di 7 biaha i Formula 1 tabata un productor ehecutivo riba e pelicula, cual tin Brad Pitt como un chauffeur cu ta haciendo un regreso laat na su carera.
El a bira Apple su hit na ‘box-office’mas grandi ainda ora el a debuta cu $55.6 miyon den cinema Norte Americano y $144 miyon globalmente durante fin i siman, segun calculacionnan di studio diadomingo. “Nos literalmente a caba di cab’e, pues mi ta kere cu e ultimo cos cu nos kier awo ta un di dos,” Hamilton a bisa diahuebs prome cu Grand Prix Britanico.
“E ta un proceso di 4 aña. E ta hopi trabao, particularmente pa e director Joseph Kosinski. E ta tempo cu bo ta pasa leu di famia, e ta tempo leu di bo yiunan y tambe bo mester pa esaki keda disfruta pa un tempo, bo sa. Ban disfrut’e.
“Mi ta kere cu e pio cos cu nos por haci ta pura haci un di dos,” e chauffeur di Ferrari a agrega. “Mayoria ta pio y nos no tin cu core haci’e. Mi ta kere cu si nos haci un di dos, mi lo bisa realmente ban tuma nos tempo pa e bira uno miho ainda.”
Hamilton a bisa cu e ta hibando proceduranan riba pista na e negoshi di pelicula pa medio di pidi un presentacion con e proyecto a bay, den e mesun manera cu un ekipo ta analisa un careda prome cu nan bay e siguiente.
“Ban evalua kico nos a haci, kico nos por a haci miho,” el a bisa “Mi no sa si nan ta haci esaki den e mundo di pelicula, pero e ta algo cu obviamente mi a siña for di aya.”
