(AP) – Lewis Hamilton su decision di sali for di Mercedes pa Ferrari den ana 2025 ta un riesgo pa e 7 biaha campeon di Formula One. Tambe e ta un riesgo pa Ferrari.
Ningun coredo, sin importa talento, a gana e titulo di Formula One cu Ferrari desde cu Kimi Räikkönen a gana contra Hamilton ken e tempo aki tabata nobo pa un solo punto den aña 2007. Algun di e coredonan mas lihe den F1 a ser atrai cu autonan di Ferrari cu no ta competitivo y e ekipo Italiano, lider un tempo den strategia di careda, a haci algun blunder notabel den añanan recien. E ta dificil pa Ferrari por sigui su historia rico y algun den Italia ta dudoso cu Hamilton su yegada por cambia esaki.
“Mi no sa si mi ta na fabor di esaki. Pa prome nan mester aregla e asunto di e auto,” ex hefe di ekipo Benetton y Renault Flavio Briatore a conta agencia Italiano LaPresse riba diahuebs. “Bo por hasta tin Batman den bo ekipo pero si bo vehiculo no ta competitivo e ora e chauffeur no ta cambia nada. E cos mas importante ta pa e auto traha.”
Ya caba tabatin señal di un cambio den aña 2023 despues cu Fred Vasseur a tuma over como e director di e ekipo. E tabata un temporada di dominio casi total pa Red Bull y Max Verstappen, sinembargo Ferrari tabata e unico den ekipo cu no ta di Red Bull cu a haya un victoria den henter e temporada ora cu Carlos Sainz Jr. a gana na Singapur. Mercedes, a logra termina net riba Ferrari durante e curso di e temporada den e campeonato di constructor, gana pa Red Bull.
Hamilton lo por trece exito pa Ferrari proximo aña?
