Un di e retonan mas grandi cu mundo tin banda di cambio climatologico ta e creciente desigualdad economico cu tin den entrada entre ciudadanonan den un pais. E ta un di e fayonan di nos modelo economico cu gobiernonan tin cu reconoce y tuma pasonan pa corigi esaki pa yega na un destribucion mas husto di entrada y desaroyo den na Pais. 

“E ta un tema cu nos tabata preocupa cune desde prome dia di nos gobernacion. P’esey nos gobierno a bin cu reparatietoeslag pa empleadonan den sector priva, reparatietoeslag pa pensionadonan,  aumento di bijstand, aumento di salario minimo, aumento di pensioen, schoolkinderentoeslag, indexeing, inhaalmanouvre, gelijkbedrag, reduccion di studielening pa studiantenan, ouderenaftrek pa pensionadonan, reduccion di prijs di awa cu 35% y coriente cu 15%, reduccion di bbo na mita den prome 4 añanan di nos gobernacion y otro cambionan grandi pa sigura mas equidad economico den futuro tambe cu introduccion di un ley di pensioen general”, e lider di AVP, mr. Mike Eman ta splica.

“Tambe den aspecto di calidad di bida y con esaki ta refleha su mes den su destribucion rond di nos isla tabata punto di atencion grandi di nos gobierno. Nos no kier unicamente hotel di 5 strea, pero tambe barionan di 5 strea pa nos pueblo, schoolnan pa nos muchanan, hospital pa nos enfermonan, areanan publico cu infrastructura pa famianan por entretene nan mes, haci ehercicio, relaha nan mes y disfruta di nan bario y nan isla. Tur esaki ta reduci discrepancia den calidad di bida y ta trece mas igualdad den destribucion di calidad di bida. Esaki tambe nos a traha riba dje y realisa cu hopi progreso pa un y tur”, e lider di AVP, Mike Eman ta bisa.

Mike Eman: Kico nos ta mira awor ? Desigualdad economico y negligencia di desaroyo di bienestar general den dos aña ta hayando formanan espantoso. Tur locual nos a logra di recupera den 8 aña awor ta wordo kibra den un tempo record. Eman ta sigui bisa cu dolor nos ta mira awe con den dos aña Aruba a tuma un direccion robes, nos pueblo ta bibe, ta mire y ta sintie tur dia.

Tambe na nivel internacional unda prome tabata admira Aruba como lider den desaroya visionnan basa riba e principionan di un prosperidad sostenibel y comparti awor nos ta cayendo den deteoro, pobresa y desigualdad.

“E meta number 1 di e Sutainable Development Goals (SDG), combati pobresa y tur e otro metanan di trece igualdad y desaroyo positivo den barionan y centronan di ciudad, na cual nos a compromete nos mes awor ta tumando direccion di locual e tempo ey tambe un director di Banco Central a bisa di gobernacion di MEP; een pijnlijke en sociale en fysieke verpaupering; un impobrecimento penoso y deteoro ta locual e gobernacion di Wever Croes ta causando, e lider di AVP, mr. Mike Eman a accentua cu lamento pa tur locual a wordo haci awe wordo kibra di e forma aki.       

      

 

LEAVE A REPLY

Please enter your comment!
Please enter your name here