Lider di Fraccion di AVP Mike Eman: Nos hobennan mas cu ta sufri na man di e pobresa creciente

Riba tur e situacion dificil den comunidad ta drenta e noticia cu ta bay para FASE y salaris subsidie sin cu tin un bista cla ainda cua ta gruponan vulnerabel y desemplea cu ainda mester yudansa. Den eleccion a priminti cu despues di FASE ta bin un programa cu yama TIO, pero aparentemente esaki lo no ta sigui segun informacion di autoridadnan Hulandes.

Pobresa y hamber ta birando un realidad penoso den miles di cas na Aruba. Nos no mag como sociedad acepta e rumbo aki pa nos Pais. Inhusticia social, desigualdad di entrada y di oportunidad lo impacta nos comunidad pa un tempo hopi largo cu tur su consecuencia nan negativo”, e lider di fraccion di AVP Mike Eman a expresa. Eman ta mira cu nos hobenan ta esnan cu hopi ta sufriendo bao di e pobreza na cas. “Ta un fair painocentente nan bira victima di e situacion aki. Eman ta bisa cu den 8 aña di su gobernacion semper a keda pone atencion na fortifica e poder di compra di nos ciudadanonan den tur forma, pero awe e ta ranca so ta wordo ranca di pueblo y creando infidelidad, pobresa y hamber.

Recientemente Banco Central di Aruba a haci un estudio di e estado di e situacion socio-economico di bienestar di hogar nan na Aruba, “Financial Wellbeingof Households”. E estudio di Banco Central ta confirma e pobresa cu nos a mira den comunidad e lider di fraccion di AVP Mike Eman ta expresa.

Eman ta cita e relato riba e rapport: “e resultadonan ta confirma cu mas cu 60 porciento di famianan den nos comunidad a keda afecta door di perdida di entrada”.

Nos no ta mira ningun plan of accion parce un alivio pa nos comunidad.

E unico locual nos ta mira cu tin riba mesa ta mas medida. Cortamento den remedi y otro servicionan di AZV, introduccion di un BTW di 12.5% cu ta bay bin riba tur e costo nan cu ya ta halto caba. Un otro sla pa famianan na Aruba. Den su rapport Banco Central ta bisa cu hustamente e poder di compra di e famia mester ta e motor di nos economia. Pero manera cosnan ta bayendo nos conciudadano nan ta wordo strangula na man di costo di bida y hunto cu ne e poder di compra cu ta asina importante pa nos economia. E desaroyo aki e lider di fraccion di AVP Mike Eman ta haya lamentabel y un fair pa nos pueblo. E ta bisa cu su fraccion ya caba a haci proposicionnan concreto, manera yudansa pa famianan cu muchanan special (gehandicapten uitkering) y introduccion di un huurtoeslag. Envez di mas medida y trato un fair nos lo insisti riba alivio pa nos hendenan, un Pais husto pa un y tur, Eman ta accentua.