(NLTimes)—Partidonan derechista radical ta un menasa pa e regla di ley y pues ta hunga den e mannan di presidente Ruso Vladimir Putin, segun lider di GroenLinks-PvdA Frans Timmermans. Den e Banning Lecture cu ta tuma luga bianualmente, Timmermans a yam’e “urgente” cu “Wilders no lo tuma responsabilidad directo pa nos defensa y seguridad nacional. Mi no lo kier pone mi fe den e mannan di e admiradornan di Putin, ni aki, ni otro caminda.”
Na comienso di su discurso, Timmermans a describi e strategia di Putin pa yega na poder como “mafioso” y e Rusia di Putin como “un menasa directo y permanente pa paz y seguridad den e continente Europeo.”
Despues Timmermans a envolve partidonan derecho radical den e menasa ey: “Putin ta un pionero, ehempel, un heroe pa casi tur movementonan derecho radical na Europa.” Partidonan asina ta beneficia di division, segun e lider di e partido iskierdista. El a adverti contra “propuestanan no realistico” for di PVV y BBB, cual “ta actua solamente como carnada politico.”
“No ta un coincidencia cu PVV kier caba cu nos Corporacion di Locucion Publico,” Timmermans a enfatisa. “E partido aki ta parti di un movemento mundial cu kier controla e berdad y e storia cu nos ta conta nos mes.”
Timmermans a menciona e morto di e lider di oposicion Ruso, Alexei Navalny, y e comentarionan di parlamentario di PVV, Joeri Pool, como ehempelnan di menasanan derecho radical. Pool a critica e ayudo militar di Hulanda pa Ucrania y a bisa, “E administradonan aki ta hungando Russian roulette cu nos seguridad nacional.”
Wilders a aplaudi Putin un par aña pasa pero recientemente a distancia su mes un tiki for di e dictador Ruso. Net despues di e fayecimento di Navalny, Wilders a tweet: “Horibel. Lider di oposicion Navalny ta muri den un colonia di castigo barbarico di un regimen barbarico.”
E Banning Lecture ta nombra pa Willem Banning, un pastor di un di e fundadornan di PvdA; e ta ser organisa cada dos aña pa Asociacion Banning. Timmermans ta e di cuatro persona pa presenta e lectura.
