(AP)—Prome Minister Britanico Rishi Sunak a bisa dialuna cu Reino Uni ta creando un iniciativa di ciencia nobo pa yuda desaroya aros cu ta tolerante nan inundacionnan, trigo cu ta resisti malesa y otro producto comestibel cu ta mas resilente contra cambio di clima.
Sunak a ser compaña pa minister-, diplomatico- y filantroponan for di aproximadamente 20 pais na e Global Food Security Summit na Londres, unda el a urgi lidernan di mundo pa uza inteligencia artificial y otro tecnologia pa trece fin na malnutricion rond mundo. Sunak a conta e delegadonan cu tin un necesidad pa un “cambio fundamental” pa confronta e crisis di siguridad di cuminda cu ta empeorando debi na cambio di clima. El a enfoca riba e rol di ciencia y a bisa cu Reino Uni lo organisa un “centro di ciencia virtual” conecta investigadonan internacional trahando riba productonan comestibel mas resilente. E centro di Reino Uni lo ser parti di un partnership global di investigacion conoci como CGIAR.
E evento aki a ser co-anfitriona pa Somalia y Emirator Arabes Unidos hunto cu e Children’s Investment Fund Foundation y e Bill & Melinda Gates Foundation. E cumbre a coincidi cu publicacion di un strategia “re-enegisa” di Reino Uni diseña pa caba cu pobresa extremo y aborda cambio di clima y perdida di biodiversidad.
E documentonan ta presenta e plannan di ayudo di Reino Uni te cu 2030, y ta confirma cu Britania no lo restaura desaroyo di ayudo na 0.7% di salario nacional bruto—despues cu esaki a cay pa 1.5% durante pandemia—te ora cu “e situacion fiscal ta permiti.” En bes di esey, Reino Uni a bisa cu e lo aloca placa na yuda paisnan fortalece nan defensa contra desasternan natural, recaudando mas placa for di e sector priva pa desaroya y construi relacionnan “mutualmente respetuoso” cu nacionnan den desaroyo.
