Lily Clarisa, miho conoci como Lilith, a lansa su segundo “EP” (Extended Play), “Breathe”, un compilacion den e genero “folk” y “indie”. “Breathe” ta un “EP” (reproduccion extendi) cu ta contene cuatro cantica enfatisando e libertad personal despues di termina un relacion danino.

Kerven Dammers of Kevv e cantante y escritor Curasoleño a produci y mescla e cuatro cancion di e “EP” hunto cu e guitarista acustico Rubiano, Cedric Dirksz. E grabacion di e cancionnan; “I Feel It Too”, “Visit Her” y “Breathe” a tuma luga na studio di Kevv na Delft, Hulanda. Algun di e grabacion pa e cantica “Come Here” a tuma luga na Studio 8 na Aruba.

Lilith su prome “EP”, “Illuminated Darkness” (2021), ta compaña pa Lily Clarisa su buki di poesia premia. Den “Illuminated Darkness” Lily ta colabora cu diferente artista di Corsou, entre otro; josh., Jules, Kevv y Zel. Axl blessed tabata encarga cu direccion y filmamento di e videoclip di “Illuminated Darkness” EP.

E coleccion di poesia premia, “Illuminated Darkness” (2020) ta disponibel na Van Dorp/De Wit, Plaza Bookshop, Mensing’s Caminada, Bruna, Bol.com y riba Amazon.nl.

LEAVE A REPLY

Please enter your comment!
Please enter your name here