(TMZ) – Kanye West no lo rekeri fanaticonan pa vacuna of test negativo pa cu COVID-19 pa asisti e evento “Donda” na Chicago, pero e bon noticia ta cu e lo ofrece vacuna gratis na e sitio.
Un vocero di Soldier Field, e stadion unda cu Kanye lo anfitriona su proximo evento pa cu su album binidero, ta conta TMZ cu lo tin mas di 1,500 dosis na man pa e fanaticonan di Kanye cu lo kier ricibi esaki.
Nos a ser bisa cu e dosisnan aki ta dividi entre e vacuna di Pfizer y e vacuna di un solo dosis di Johnson & Johnson. Pa cualkier persona cu lo tuma e prome dosis di e vacuna di Pfizer, cual recientemente a ricibi aprobacion completo di Food and Drug Administration, lo tin oficialnan di Chicago Department of Health pa asina yuda traha afspraak pa e siguiente dosis.
Kanye ta e artista cu practicamente lo provee e fanaticonan y causa cu nan lo bin e stadion, pero ta e administracion cu ta maneha Soldier Field, ASM Global Management a traha cu e ciudad di Chicago pa haci esaki posibel.
E lo ta interesante pa mira cuanto di e personanan cu asisti lo tuma e decision di ricibi e vacuna prome cu oportunidad exclusivo di tende Kanye su album binidero. Vacunanan tabata disponibel na Kanye su evento na Atlanta, pero solamente 4 di e 40,000 personanan cu a asisti a tuma e decision di ricibi e vacuna.
No lo tin asina hopi persona na e evento aki di Soldier Field, cual ta e cas di e ekipo di NFL Chicago Bears, pa motibo cu e lo opera bao di capacidad reduci cu solamente 38,000 persona permiti pa drenta, na luga di e 63,000 normal.
Manera reporta anteriormente, no lo rekeri prueba di vacunacion ni tampoco resultado negativo di un test di covid pa por drenta e evento.
