Mirando cu hopi biaha den vakantie no tin mucho actividad pa nos muchanan, EZ Party Solutions ta treciendo un tremendo show pa nos muchanan den Cas di Cultura, dialuna 7 y diamars 8 di october proximo.
Despues di un sondeo di mas di 4 luna durante fiestanan di mucha, a sali na cla cu un di e figuranan cu mas e muchanan lo tabata desea di topa personalmente cune ta e figuranan di L.O.L. Surprise. No a keda nada otro cu manda busca cu no menos cu 3 di e famoso figuranan aki pa asina hunto cu nan amigonan duna un presentacion pa nos muchanan den Cas di Cultura den herfst vakantie.
E figuranan di L.O.L. Surprise ta masha popular mes cerca e muchanan muhe, pero durante di e show tambe lo bay tin presentacion di figuranan hopi gusta pa e muchanan homber manera entre otro Marshall e cacho di Paw Patrol como tambe e Angry Birds y sin laga afo e faboritonan di tur tempo Mickey y Minnie Mouse.
Mas di 20 diferente figura den un solo show compaña pa e miho gruponan di baile di mucha aki na Aruba, entre otro Chaz Dancers di Chasity Hodge, NTG di juff Marisol, Kids di Tante Julie y Kids in Action di juff Debrah.
E show aki no tabata posibel sin e cooperacion di Cas di Cultura cu aparte di nan schedule basta yen toch a logra pone 2 dia disponibel den vakantie pa asina e muchanan por disfruta di e presentacion nan aki.
Ticketnan di entrada ya ta disponibel na Ritz Boulevard y tambe Ritz Savaneta como tambe na Impex San Nicolas y tambe Impex Sividivi. Tambe por contact EZ Party Solutions direct na 567-0002 pa e servicio di entrega te na unda cu bo ta. Keda pendiente pa e anuncio ki dia y na unda e muchanan lo por topa tambe c e figuranan di L.O.L. pa asina nan por saca potret cu nan y busca nan entradanan pa bay disfruta nan herfst vakantie den Cas di Cultura.
