Diamars cu diaranson a tuma luga e prefinals di Aruba Soca Monarch 2026, unda a mira varios presentacion sublime, y un banda en particular, esta Hot Ones Band, a sobresali cu nan cancion pegahoso, “The Lizard Kacking.”

E competencia tabatin hopi participante, y bandanan renombra manera O.R.E.O., Groove Master y Tsunami a bin pa bolter cos den e competencia. Cu tanto cancion riba lista, tabata parce casi imposible pa por a dicidi cual lo por captura e atencion di publico e aña aki.

Sinembargo, pa tur hende su sorpresa, e banda Hot Ones Band cu cantante Lord Lally a sacudi e competencia por completo. Nan cantica “The Lizard Kackin”—aunke na final no a pasa pa final di e competencia—a gara atencion di pueblo cu letranan pegahoso y dibertido, convertiendo e pega-pega cu nos ta mira tur dia na cas den un sensacion cu hende no por a laga los. Video y ‘memes’ a surgi riba red social mesora, y Aruba a keda encanta!

Pues tabata sumamente asombroso pa mira cu e banda no a logra pa e final, causando varios pa haci yamado pa consider’e tambe. El a bay asina leu cu Stichting Musica a concede y a lansa un ‘Peoples Choice ACSM2026 Wild Card Voting’ unda a habri votacion pa pueblo mes dicidi cua banda lo por haya chance toch pa sigui pa final.

Manera cu 3or di atardi a bati diabierna, dia 23 di januari, votacion a habri y usuarionan riba Facebook no a perde tempo pa vota pa Lord Lally y Hot Ones Band. Na momento di skirbi, “The Lizard” tabata lidera cu 72% di voto.

Otro finalistanan ta inclui:

Buleria: Master Gusto – Queen Shine

D’Nova: Alexa – Lamar – Ray Rusty Jr – Black Queen Sha

Duro: Casper

Good Times Band: Mighty Jaoul

Groove Masters: Diamond Chip – Blacky – Tip Toe

N’Fuzion: The Commissioner – Aimee – Lyrod – Suhcy

Oreo: Queen Sashah

Shine Music: Ashanti – Bensz – Sid Sim

Suona: Ezzrrrraa

Tsunami: Easy B – Galloway – Queen Gigi – Freddy Rasta – Mitch – Daddy Bass – JR Bass – Lady La Rouge

Youth X-Treme: Mikey

Zeta Band: Tattoo

Masha pabien na tur finalista y hopi exito den e final di Aruba Soca Monarch 2026!

Potretnan cortesia di Bryan Dirksz.