Luis “Coco” Estrada un di e nominadonan di Futbol Aruba

Luis Estrada miho conoci como“Coco” a nace di 8 december 1989 na Caracas Venezuela. Luis “Coco” no tabata practica e deporte Rey na un edad jong, pero mas bien tabata hunga baseball.
Pero despues cu el a cuminsa practica futbol y unda na un edad relativamente hoben esta cu 17 aña el a bira profesional y a milita den diferente ekipo na Venezuela. Su trayecto prome cu a yega Aruba tabata como lo siguiente Trujillanos FC, U.A. Falcon, Omega FC, Lara FC y Atletico Socopo FC.
Despues di Atletico Socopo Luis Estrada a bin Aruba y a cuminsa hunga futbol pa su team di semper akinan na Aruba esta Sv Britannia. Luis “Coco” Estrada ta un medio campista atacante di 27aña di edad, ta midi 1.69 di haltura y ta pisa 60kg. Luis “Coco” Estrada ta hungando su di cuatro (4) campeonato pa Sv Britannia di Aruba.
Pa locual ta e Campeonato tras di lomba esta 2016/17 Coco a hunga26 wega cu Sv Britannia. Luis “Coco” a hunga 24 wega di cual un(1) wega e no a cuminsa como base y na tres (3) ocasion e la wordo substitui y di cual e tabata tin 10 cleansheet. Coco a score un total di 10 gol, cual golnan a wordo anota den weganan; vs Nacional 1x, vs Dakota 1x, vs Caravel 1x, Bubali 1x, vs Dakota 1x, vs Nacional 1x, vs Estrella 1x, vs Nacional 1x, vs Dakota 2x, El a haya 5 carchi geel y cero (0) carchi cora. Luis “Coco” Estrada a hunga 2172 (94%) minuut durante full e campeonato, cual ta mas minuut cu cualkier otro hungado den su team y sin conta Copa Betico.
E la gana 15 wega (65%), empata 4 (16%) y perde 5 (19%) wega. Di e 61 golnan cu Sv Britannia a anota durante campeonato 2016/17 Luis Estrada a asisti 65% cual ta un averahe masha halto como un medio campista cu ta asisti cu ta termina den gol. E cualidadnan di mas grandi Luis “Coco” Estrada ta; un medio campista cu ta defende, ataca y ta anota gol.

You May Also Like

Alemania ta defende campaña pa helm di bicicleta yama ‘sexista’

BERLIN (AP) — Ministerio di Transporte Aleman ta bisa cu nan ta defende un ...

Giants tin e team di mas bieu den liga mayor, Padres esun di mas jong

E Giants di San Francisco tin e edad averahe di mas bieu den liga ...

Ben Weider Caribbean Classic Aruba 2017 un exito rotundo

Aruba ta score cu e evento renombra di bodybuilding y fitness, esta e Ben ...

Lotto ta felicita Sophia Petrocchi cu su medaya di Brons

Ya pa tres siman un delegacion di Judo ta den exterior unda nan a ...

Weganan Interesante di Softball Escolar durante fin di siman

ORANJESTAD – Diabierna atardi tabata tin continuacion di torneo di softball escolar na tereno ...