Diahuebs presidente Nicolas Maduro a papia tocante e paralisacion civil, cu a ser convoca pa oposicion di Venezuela. El a bisa: “Nos a triunfa atrobe, bida a triunfa, speransa a triunfa, nos ta bay dilanti. Espiritu nacional a triunfa, nos espiritu kier paz.”

Durante un actividad na Circulo Militar na Caracas, Maduro a bisa cu “700 empresa mas grandi di e pais a traha na 100%”. Maduro a splica cu mision “abastecemento soberano” a bishita 700 empresa di produccion di alimento,  esunnan mas grandi di pais y el a sigura cu tur di nan ta traha un  100%, mientras cu empresanan a dicidi pa  cuminsa participa den e plan di gobierno miho conoci como “Chamba Hubenil”. Plan chamba hubenil ta un plan pa hoben entre 15 y 35 aña, cu obhetivo di incorpora nan den sistema laboral y productivo.

Presidente di Venezuela a denuncia cu un grupo di terorista a purba di tuma e sede di Venezolana de Television (VTV), situa na Los Ruices, Caracas. Maduro a pone tur responsabilidad di e suceso violento riba alcalde di municipio Sucre, Carlos Ocariz. Maduro a pidi husticia contra Ocariz pa violencia na Los Ruices

VENEZUELA (ElNacional).- Presidente di republica di Venezuela, Nicolas Maduro a pidi husticia,  contra Carlos Ocariz, alcalde di municipio Sucre na estado Miranda.

Presidente di Venezuela a sigura cu e alcalde ta e responsabel di tur  suceso violento,  cu a tuma luga dilanti di sede di canal di gobierno, Venezolana de Television, na los Ruices.

Suhetonan a kima un warda di polis cu tabata situa cerca di e canal di television. Sin embargo Maduro a sigura cu no ta un warda di polis, el a bisa cu ta un centro operativo di instituto postal telegrafico di Venezuela (Ipostel).

“Nan a ataca y kima un centro di Ipostel cu tabata funciona cerca di e canal di television. Trahador y periodistanan a sali y a  defende nan instalacion di canal di television (…) Ami a ordena pa detene tur terorista cu a participa eynan.” Presidente Maduro a pone tur responsabilidad riba alcalde Carlos Ocariz. Maduro a pidi na organo di husticia “pa cuminsa accion contra Ocariz.”

 

 

 

Ramón Muchacho a ratifica su compromiso cu derecho di protesta na Venezuela

VENEZUELA (Elcooperante).-Sala Constitucional di Tribunal Supremo de Husticia a planifica un audiencia oral y publico, pa alcaldenan di municipio Urbaneja (Anzoátegui),  Gustavo Marcano; y Chacao (Miranda), Ramón Muchacho.

 

E medida ta pa trata un supuesto ‘desacato’, ignora e sentencianan 377 y 369 di e tribunal encuanto prohibicion di protesta publico. Marcano mester bay dilanti tribunal supremo dia 25 di juli y Muchacho dia 26 di juli. Tur dos alcalde tin un medida di prohibicion di salida di Venezuela. Si e alcaldenan no ta presenta na tribunal e dia cu nan a keda cita, anto autoridad lo tuma nan accion di ausencia, como un aceptacion claro y tacito di e acusacion cu tin contra nan,” poder hudicial a conclui.

 

 

Confronta cu e situacion aki, e alcalde di Chacao a mustra su rechaso di e medida cu ta exigi cu e alcalde mester prohibi cualkier reunion publico, den su hurisdiccion, como  tambe censura riba otro derecho constitucional. Ramon Muchacho a sigura un biaha mas  su compromiso cu democracia y libertad na Venezuela.