E celebracionnan di Mall-o-ween week na Paseo Herencia a cuminsa fuerte Diasabra anochi cu Halloween Quiz Night na Frenchie’s Pub Café. Fanatikonan di Halloween a forma team pa pone nan conosemento na prueba den un ambiente di harimento, pregunta y premio cu hopi titulo diverso tambe! Tanto premio pa Best Group Costume, Best Individual Costume, Best Dancer, MVP, Best Complainer y naturalmente, e Quiz Night Champions.
E ambiente di Halloween a sigui Diadomingo anochi cu e evento principal di Trick-or-Treat tanto spera. E Joker, interpreta pa Addonsito Croes, a guia e anochi, mientras cu SGT Peppers & Friends tabata presente cu nan perritonan den disfraz. Famianan y amigonan a yega cu nan costume pa cana rond di plaza, goza di e show y wega nan pa un atardi yena di diversion, cu Best Costume, Scariest Look, Fastest Runner y Best Dancer. Incluyendo e sirenanan cu a haci un aparicion, un evento pa tur hende y tanto asta bestia a goza.
Mall-o-Ween week a sigui cu Madam Spantoza’s House of Horrors, host door di Cas di Cultura. For di 28 di October te cu dia 31 di October, pueblo por a bin probecha di 4 anochi di spanto y gritamento.
E spiritu di Halloween no a para ey. Spooky Bar Crawl tabata super exitoso cu e creatividad di e diferente restaurant nan cu a ofrece un variashon di Spooky Drinks.
Cu actividadnan pa mucha, adulto y hasta mascotanan, Paseo Herencia ta contento di por a brinda un ambiente familiar yena cu alegria pa pueblo por a disfruta di e Mall-o-Ween week.
Keda pendiente pa e apertura di e temporada divertido di fin di aña!
