Paseo Herencia lo tin 3 dia cu actividadnan di Halloween cuminsando diabierna dia 28 di october pa diadomingo dia 30 di october cu entretenimento pa henter famia.
Caribbean Cinemas lo tin un experiencia unico di e ‘Haunted Cinema Elevator’ cuminsando diabierna dia 28 di october cu lo agrega na e bishita di cinema. Esaki lo tuma lugar na e lift di prome piso cuminsando for di 7or di anochi. Pa e fanaticonan di pelicula di horor, lo por mira e pelicula Halloween Ends, Smile y Prey for the Devil.
Diasabra lo tin e ‘Halloween Trunk Show’ den Paseo su parking garage cu autonan decora den temanan di Halloween cu lo competi pa gana te cu AWG 500 na premionan. Evento lo tuma lugar na prome piso den Paseo su parking garage for di 5or di atardi pa 9or di anochi. Pa esnan cu ta desea di participa den e Halloween Trunk Show, por manda nan nomber di grupo y number di telefon na marketing@paseoherencia.com. Registracion lo cera diamars, dia 25 di october.
Diadomingo Paseo lo tin su famoso evento di ‘Trick or Treat’ y show di Halloween riba escenario cuminsando for di 5or di atardi. Prome 500 mucha disfrasa lo ricibi un tas di Halloween gratis pa bay trick or treat na e tienda, restaurant y cinema na Paseo Herencia.
Durante e weekend di Halloween, adultonan lo por disfruta di e Spooky Bar Crawl cu diferente bebidanan di Halloween na TGI Fridays, The Bulldog Café, Fusion Cuisine, Sexy Shrimps of un Halloween rum cake na Drunk’s Denial pa solamente $5 y lo participa pa gana varios premio.
Pa mas informacion bishita Paseo Herencia su website na www.paseoherencia.com of yama 586-6533.
